Jong’ad Bura 7:24 - MUMA MALER 2015

²⁴ Bende Gideon nooro joote e piny gode duto mag Efraim, mowacho ni jo kuno niya, “Loruru mondo uked gi jo-Midian. Geng’nigiuru kuonde duto minyalo ng’adogo aora Jordan nyaka Beth-bara.” Mi jo-Efraim noyworo ni lweny, kendo ne girito kuonde ming’adogo aora Jordan nyaka Beth-bara.

Motingʼo Loko Manyien

²⁴ Gideon nooro joote e piny gode mag Efraim duto, kowacho, “Biuru uked kod jo-Midian kendo udhi nyimgi ma umak pige mag Jordan mochopo nyaka Beth Bara.” Omiyo jo-Efraim duto nowuok oko kendo negikawo pige mag Jordan mochopo Beth Bara.

Jong’ad Bura 7:24 ပူးပေါင်းရင်းမြစ်များ

Habakuk 3:7

Aneno ka kihondko malich omako jo-Kushan gi jo-Midian, madak e hembe.

Johana 1:28

Gigo duto notimore Bethania, yo wuokchieng’ mar aora Jordan, kuma ne Johana batisoe ji.

Jo-Rumi 15:30

To asayou owetena, kuom Ruodhwa Yesu Kristo, kendo kuom hera mar Roho, mondo ukonya nywako tich lemo matek, kukwayona Nyasaye

Jo-Filipi 1:27

To koro nyaka une ni ngimau mapile obedo mowinjore gi Wach Maber mar Kristo. Kata ka abiro nenou, kata ka ok abiro, to adwaro winjo ni uchung’ motegno gi chuny achiel, mondo uked ni adiera mar Wach Maber.

Jong’ad Bura 12:5

Bang’e Jeftha nochoko jo-Gilead duto kanyakla, mi gikedo gi jo-Efraim kendo giloyogi.

Jong’ad Bura 8:3

Donge Nyasaye osechiwo e lwetu Oreb gi Zeeb ma ruodhi mag Midian e lwetu? Ere gima an asetimo minyalo pimo gi gima usetimo?” Kane osewacho kamano, mirimb jogo norumo.