Jong’ad Bura 7:22 - MUMA MALER 2015

²² Ji mia adekgo nomedo goyo tungegi, mi Ruoth Nyasaye nomiyo ji duto mane ni e kambi ochako kedo kendgi giwegi. Ne giringo nyaka Beth-shita e yo mochomo Zerera, mi gichopo e tong’ Abel-mehola man but Tabath.

Motingʼo Loko Manyien

²² E sa ma turumbete mia adekgo nogoo, Jehova Nyasaye noketo ji duto mane ni e kambi ochako kedo e kindgi giwegi ka ginegore gi ligangla. Jolweny noringo odhi Beth Shitta kochiko Zerera mochopo nyaka e tongʼ mar Abel Mehola man but Tabath.

Jong’ad Bura 7:22 ပူးပေါင်းရင်းမြစ်များ

1 Ruodhi 19:16

Jehu wuod Nimshi bende iwir mondo obed ruodh Israel; to Elisha wuod Shafat ja-Abel-mehola ema mondo iwir obed janabi kari.

1 Ruodhi 4:12

Baana wuod Ahilud ne rito Taanak gi Megido nyaka Beth-shean, chakre kama yo lorie koa Jezreel dhi Beth-shean, mopowore nyaka Abel-mehola mokiewo gi Zerethan, kendo nyaka loka Jokmeam;

2 Weche mag Ndalo 20:23

Noyudo ka jo-Amon kod jo-Moab onywako ni jo-got Seir, motieko chuth, kendo kane gisetiekogi kamano, ne gichako negore kendgi giwegi.

Zaburi 83:9

A Nyasaye, timnigi kaka ne itimo ni jo-Midian, kendo kaka ne itimo ni Sisera gi Jabin e aora Kishon.

Isaya 19:2

Owacho niya, “Abiro thuwo jo-Misri e kindgi giwegi, mi ng’ato ka ng’ato gore gi wadgi. Dala ka dala noked gi dala machielo, kendo gweng’ ka gweng’ bende noked gi wadgi.

Isaya 9:3

Yaye Nyasaye, inimi oganda Israel nya, kendo inimi gimed bedo mamor. Ginibed mamor e nyimi kaka ji mor e ndalo keyo, kendo mana kaka ji mor ka pogo gik moyaki.

Isaya 9:4

Mano notimre nikech ibiro turo jok ma giting’o, kaachiel gi luth misandogigo, mana kaka nitimo e ndalo mane olo jo-Midian.

Ezekiel 38:21

“Anabwog Gog gi masiche mopogore opogore. An Ruoth Nyasaye ema awacho kamano. Joge noked kendgi ng’ato gi ng’ato.

Habakuk 3:14

Wasikwa nobiro ka kalausi, kaparo ni biro tiekowa, mana kaka inyalo tieko ng’at modhier man kar kende. To kata kamano ne itiekogi mana gi gilwenjegi giwegi.

Hagai 2:22

Analok loch ruodhi, mi aketh teko mag pinje mamoko, kendo anago geche mag lweny piny, kaachiel gi joithgi. Ng’ato ka ng’ato noked gi wadgi, mi farese kod joma idhogi nonegi.

Zekaria 14:13

Chieng’no Ruoth Nyasaye nogogi gi kihondko malich, kendo ng’ato ka ng’ato nomak wadgi mondo ogorego.

2 Jo-Korintho 4:7

To wan ma wan gi mwandu mar chuny, wachalo mana agulini mag lowo, mondo onenre ni teko maduong’ ahinyano oa kuom Nyasaye, to ok oa kuomwa wawegi.

Joshua 3:16

gikanyono pi nochung’ gi yo ka malo, kogingore machiegni gi Adam, dala man but Zarethan. Pi mane mol kochomo nam mar Araba, miluongo ni Nam Kado, noduono chuth, mi jo-Israel nong’ado aora kama omanyore gi Jeriko.

Joshua 6:16

E sa mane gilworee mar abiriyo jodolo ne goyo tung’. Eka Joshua nowacho ni jolweny niya, “Koro gueuru, nikech Ruoth Nyasaye osemiyou dalani.

Joshua 6:20

Jodolo nogoyo tung’, kendo kane jolweny owinjo, ne gigueyo gi dwol maduong’, mi ohinga mar dala nopodho. Eka jolweny duto nodonjo e dala, ka ng’ato ka ng’ato ochomo nyime tir, mi gikawe.

Joshua 6:4

Jodolo abiriyo nyaka dhi e nyim Sandug Muma, koting’ tunge abiriyo molos gi tunge imbe. To chieng’ mar abiriyo nyaka ilwor dala gi jogi mag lweny nyadibiriyo, ka jodolo goyo tungegi.

1 Samuel 18:19

To kane ndalo ochopo ma Saulo onego chiwie Merab nyare ni Daudi, nochiwe mana ni Adriel ja-Mehola.