Jong’ad Bura 7:21 - MUMA MALER 2015

²¹ Ne gilworo kambi ka ng’ato ka ng’ato ochung’ kare. To jo-Midian nochiew ka kihondko omako, moringo ka ywak.

Motingʼo Loko Manyien

²¹ E sa ma ngʼato ka ngʼato nokawo kare ka gilworo kambi, jo-Midian duto noringo, kendo negiringo ka giywak.

Jong’ad Bura 7:21 ပူးပေါင်းရင်းမြစ်များ

1 Ruodhi 20:20

Ng’ato ka ng’ato nonego ng’ate, mi jo-Aram noringo, ka jo-Israel lawogi. To Ben-hadad ruodh Aram noidho faras motony kaachiel gi joidh faresene moko.

2 Weche mag Ndalo 20:15

Nowacho niya, “Un jo-Juda duto gi joma odak Jerusalem, kod ruoth Jehoshafat, winjuru gima Ruoth Nyasaye owachonu. Owacho ni kik uluor oganda maduong’ni, kendo chunyu kik parre, nimar lweny ok en maru to en mar Nyasaye.

2 Weche mag Ndalo 20:17

To un, jo-Juda gi jo-Jerusalem, ok onego uked e lwenjni. Kuseriedo ni lweny, to uchung’ achung’a, mondo une kaka Ruoth Nyasaye biro lochonu. Kik uluor, kendo chunyu kik parre. Kiny uwuognigi awuoga, kendo Ruoth Nyasaye biro konyou.”

Wuok 14:25

Nomiyo tiend gechegi omoko, mi koro ne ok ginyal ringo maber, nyaka jo-Misri nowacho niya, “Ruoth Nyasaye ema kedonigi kodwa.”

Ngeche 28:1

Jaricho ringo kata ka onge ng’ama lawe. Ng’at makare to jachir ka sibuor.

Isaya 30:15

Ruoth Nyasaye ma Ng’ama Ler mar Israel owacho niya, “Kuduogo ira, mi ubedo gi kue, to unuyud resruok. Bende kudemboru, kendo uketo genou kuoma, to un ubed gi teko.” To kata kamano ne udagi,

Isaya 30:7

Adier, kata ka gitero mwandugi ni jo-Misri kamano, to kony ma ubiro yudo kuomgi romre gi nono. Mano ema omiyo achako Misri ni Rahab, ondiek ma budho abudha.

Jo-Hibrania 11:34

Yie ema ne omiyo giumo dho sibuoche, kendo ginego gero mar mach, bende gitony e lweny. Kata obedo ni ne gin joma nyap, to yie nomiyo gibedo joma rateke, kendo gidoko joma ger e lweny, mi giriembo jolweny mane oa e pinje mamoko.

Jong’ad Bura 7:20

Eka migepe adekgo duto nogoyo tung’ kendo onego agulni. Ne giting’o meny e lwetgi ma koracham, to tunge ne giting’o e lwetgi ma korachwich, ka gikok niya, “Ligangla mar Ruoth Nyasaye, gi mar Gideon!”