Jong’ad Bura 7:14 - MUMA MALER 2015

¹⁴ Eka wadgi nodwoke niya, “Nyaka bed ni mano en mana ligangla Gideon wuod Joash ma ja-Israel. Kara, Nyasaye osechiwo jo-Midian kod ogandagi mar lweny duto e lwete.”

Motingʼo Loko Manyien

¹⁴ Osiepne nodwoko niya, “Ma ok en wach moro machielo makmana ligangla mar Gideon wuod Joash, ma ja-Israel. Nyasaye osechiwo jo-Midian kod kambi duto e lwete.”

Jong’ad Bura 7:14 ပူးပေါင်းရင်းမြစ်များ

Ayub 1:10

Donge irite maber, kaachiel gi joode kod gimoro amora ma en go? Iguedho gik moko duto motimo, kendo isemiye dhok mopong’o piny.

Kwan 22:38

Balaam nodwoke niya, “Eri asebiro, to koro ere teko ma an-go ma dawachgo gimoro amora? Wach moro amora ma Nyasaye omiya ema abiro wacho.”

Kwan 23:20

Osechika mondo achiw gueth, omiyo abiro chiwo gueth, to ok anyal loko guethno.

Kwan 23:5

monyise weche ma onego owachi, kowachone niya, “Dog ir Balak, kendo iwachne mana kaka anyisi.”

Joshua 2:24

Ne ginyise weche duto ma notimorenigi, ka gimedo nyise niya, “Ruoth Nyasaye osemiyowa pinyno duto, kendo kibaji osemako ji duto, ka giwinjo birowa.”

Joshua 2:9

mowachonigi niya, “Ang’eyo ni Ruoth Nyasaye osemiyou pinyni, kendo en adier ni waduto waluor nikech birou, kendo kibaji omako piny duto.

Joshua 5:1

Ruodhi duto mag jo-Amor ma nodak yo podho chieng’, kod jo-Kanaan ma nodak mokiewo gi Nam Mediterenia nowinjo ni Ruoth Nyasaye osemiyo aora Jordan oduono ka jo-Israel kadho. Omiyo kihondko nomakogi, mi gidoko maluor, kendo chunygi noa nikech jo-Israel.

Jong’ad Bura 3:28

Nowachonigi niya, “Luwauru, nimar Ruoth Nyasaye osechiwo wasiku ma jo-Moab e lwetu.” Omiyo ne gilor ka giluwe, kendo ne girito kuonde ming’adogo aora Jordan mondo kik jo-Moab kadhi. Ne ok giyie mondo ng’ato oidh loka.

Jong’ad Bura 7:13

Kane Gideon ochopo, nowinjo ka ng’at moro poro ni wadgi lek niya, “Nende aleko ni makati moro motwo obiro ka ng’ielore e kambi jo-Midian. Nochopo e hema moro, motuomo, mi hemano opodho ataro.”

Jong’ad Bura 7:15

Kane Gideon owinjo lekno, kaachiel gi ngeche, nogoyo chonge piny, molemo, eka nodok e kambi jo-Israel mowacho niya, “Wuoguru, nikech Ruoth Nyasaye oseketo jolweny mag Midian e lwetu.”

1 Samuel 14:12

Ne giluongo Jonathan kod jatichne, ka giwacho niya, “Idhuru ubi ku, ubiro neno!” Jonathan nowacho ni jatichne niya, “Luw bang’a, nikech Ruoth Nyasaye osechiwogi e lwet jo-Israel.”