Jong’ad Bura 7:13 - MUMA MALER 2015

¹³ Kane Gideon ochopo, nowinjo ka ng’at moro poro ni wadgi lek niya, “Nende aleko ni makati moro motwo obiro ka ng’ielore e kambi jo-Midian. Nochopo e hema moro, motuomo, mi hemano opodho ataro.”

Motingʼo Loko Manyien

¹³ Gideon nochopo mana ka ngʼat moro ne nyiso osiepene lek. Ngʼatno ne wachone osiepene niya, “Ne aleko ni makati molos gi mogo mar shairi molworore nobiro e kambi jo-Midian. Nogoyo hema gi teko ma hema olokore kendo olwar piny.”

Jong’ad Bura 7:13 ပူးပေါင်းရင်းမြစ်များ

1 Jo-Korintho 1:27

To Nyasaye noyiero gik ma piny kwano ka gik mofuwo mana kong’eyo, mondo okuodgo wi joma riek, kendo noyiero gik ma piny neno ni nyap mondo okuodgo wi joma rateke.

Jong’ad Bura 3:15

To kane jo-Israel oywak ni Ruoth Nyasaye mondo okonygi, Ruoth Nyasaye nomiyogi ng’ato moresogi. Ne en Ehud wuod Gera ja-Benjamin, mane ng’at ma racham. Chieng’ moro jo-Israel noore mondo odhi ochul osuchgi ni Eglon ruodh Moab.

Jong’ad Bura 3:31

Jatelo mane owuok bang’ Ehud ne en Shamgar wuod Anath. Nonego jo-Filistia mia achiel mana gi bidhi. En bende noreso jo-Israel.

Jong’ad Bura 4:21

To Jael chi Heber nokawo tuor kod mulo migurogo hema. Nolidho, modhi ir Sisera mane oyudo nindo ogoyo ngoga. Noguro wiye gi mulono, mi obwongone othichore. Sisera nogwecho, motho.

Jong’ad Bura 4:9

Debora nowachone niya, “Adier abiro dhi kodi, to kata kamano, lwenjni ok nokelni duong’, nimar Ruoth Nyasaye biro chiwo Sisera mana e lwet dhako.” Kamano Debora noa malo, modhi gi Barak Kedesh.

Jong’ad Bura 6:15

Gideon nodwoke niya, “To ruoth ere kaka dares jo-Israel? Dhoodwa e dhoot matinie moloyo dhoudi duto mag Manase, to bende an mana ng’at marachrachie moloyo e dhoodwa.”

Jong’ad Bura 7:12

Jo-Midian gi jo-Amalek kod jo yo wuokchieng’ duto mane nindo e holo ne ng’eny ka bonyo, kendo ngamia mane gin go nokadho akwana mana ka kuoyo manie dho nam.

Jong’ad Bura 7:14

Eka wadgi nodwoke niya, “Nyaka bed ni mano en mana ligangla Gideon wuod Joash ma ja-Israel. Kara, Nyasaye osechiwo jo-Midian kod ogandagi mar lweny duto e lwete.”

Jong’ad Bura 8:10

Noyudo ka Zeba gi Zalmuna ne ni Karkor kaachiel gi jogi mag lweny alufu apar gabich. Ne gin joma nodong’ kuom oganda lweny mar jo wuok chieng’. To jolweny alufu mia achiel gi piero ariyo (120,000) noneg e lweny.