Jong’ad Bura 7:12 - MUMA MALER 2015

¹² Jo-Midian gi jo-Amalek kod jo yo wuokchieng’ duto mane nindo e holo ne ng’eny ka bonyo, kendo ngamia mane gin go nokadho akwana mana ka kuoyo manie dho nam.

Motingʼo Loko Manyien

¹² Jo-Midian, jo-Amalek kod jogo moa yo wuok chiengʼ nojot e holo mane oyugno ka kama bonyo ochokore. Ne gin gi ngamia mangʼeny mane ok nyal kwan mana ka kwoyo manie dho nam.

Jong’ad Bura 7:12 ပူးပေါင်းရင်းမြစ်များ

1 Ruodhi 20:27

Jo-Israel bende nochokore koseikgi ni lweny, mi ne giwuok mondo giked gi wasikgigo. Jo-Israel nojot momanyore gi jo-Aram. Jo-Aram nopong’o piny, to jo-Israel ne chalo kweth matindo ariyo mag diek.

1 Ruodhi 4:30

Kuom mano, rieko Solomon noyombo rieko mar jo yo wuokchieng’ duto. Noloyo bende rieko duto mag jo-Misri.

Zaburi 3:1

A Ruoth Nyasaye, mano kaka wasika thoth! Joma dwaro hinya ng’eny.

Zaburi 33:16

Oganda lweny maduong’ ok ema mi ruoth lo lweny. Jalweny bende ok nyal tony e kedo mana nikech tekre owuon.

Jeremia 46:23

kendo gibeto bung Misri. Jolwenjgi ng’eny mokadho akwana, kendo thoth mohewo bonyo.

Joshua 11:4

Giduto ne giwuok gi jolwenjgi duto. Ne ging’eny ka kuoyo mae dhonam, kendo ne gin gi geche lweny mogundho.

Jong’ad Bura 6:3

Pile kane jo-Israel osechwoyo, jo-Midian kod jo-Amalek kod ogendini mamoko moa yo wuok chieng’ ne biro monjogi.

Jong’ad Bura 6:33

Jo-Midian gi jo-Amalek kod ogendini duto ma yo wuok chieng’ noriwo jolwenjgi kaachiel. Ne ging’ado aora Jordan, mi gijot e holo Jezreel.

Jong’ad Bura 6:5

Ne gibiro gi jambgi kod hembegi, kendo ne ging’eny mana ka bonyo. Kane oriwgi gi ngamia mane gin-go, to ne ging’eny mokalo akwana. Ne gibiro e pinyno mondo giketh cham.

Jong’ad Bura 7:13

Kane Gideon ochopo, nowinjo ka ng’at moro poro ni wadgi lek niya, “Nende aleko ni makati moro motwo obiro ka ng’ielore e kambi jo-Midian. Nochopo e hema moro, motuomo, mi hemano opodho ataro.”

Jong’ad Bura 8:10

Noyudo ka Zeba gi Zalmuna ne ni Karkor kaachiel gi jogi mag lweny alufu apar gabich. Ne gin joma nodong’ kuom oganda lweny mar jo wuok chieng’. To jolweny alufu mia achiel gi piero ariyo (120,000) noneg e lweny.

1 Samuel 13:5

Jo-Filistia nochokore mondo oked gi jo-Israel. Ne gin gi geche alufu piero adek, gi joidh farese alufu auchiel, kod ji mathoth ka kuoyo mae dhonam. Ne gidhi Mishmash, mi gijot kuno, yo wuokchieng’ mar Bethaven.

1 Samuel 30:17

Daudi nonegogi chakre rum piny nyaka yuso piny. Onge ng’ato kata achiel kuomgi ma notony mak mana yawuowi mia ang’wen ma noidho ngamia moringo.