Jong’ad Bura 6:5 - MUMA MALER 2015

⁵ Ne gibiro gi jambgi kod hembegi, kendo ne ging’eny mana ka bonyo. Kane oriwgi gi ngamia mane gin-go, to ne ging’eny mokalo akwana. Ne gibiro e pinyno mondo giketh cham.

Motingʼo Loko Manyien

⁵ Negibiro gi jambgi kod hembegi machal gi kweth mar dede. Kar kwan jogo kaachiel gi ngamia mag-gi ne tek ngʼeyo, kendo negimonjo pinyno mi gikethe.

Jong’ad Bura 6:5 ပူးပေါင်းရင်းမြစ်များ

Wer Mamit 1:5

Yaye, nyi Jerusalem, chieng’ oseloka rateng’ mana ka hembe Warabu, to kata kamano, pod aber abera mana kaka pasia mag od Solomon.

Isaya 13:20

Ng’ato ok nochak odag kuno kuom tienge duto mabiro. Onge ja-Arabu ma nogur hembe kanyo, bende onge jakwath ma nokwa jambgi kuno.

Isaya 60:6

Ngamia mang’eny moa Midian gi Efa nopong’ pinyi. Giduto ginia Sheba ka gikelo dhahabu kod ubani, kendo ka gipako Ruoth Nyasaye gi wer.

Jeremia 46:23

kendo gibeto bung Misri. Jolwenjgi ng’eny mokadho akwana, kendo thoth mohewo bonyo.

Jeremia 49:29

Yakuru hembegi kod jambgi kaachiel gi rageng’ni mag hembegi kod gimoro amora muyudo e hembego. Bende peuru ngamia maggi kendo unyisgi ni masira olworogi kuonde duto.

Jeremia 49:32

Yakuru ngamia maggi kod jambgi mogundhogo. Abiro keyo jo-Kedar ma timgi en tito yie wigi, kuonde duto, kendo abiro kelo kuomgi masira moa koni gi koni. An Ruoth Nyasaye ema awacho kamano.

Jeremia 51:14

Ruoth Nyasaye Manyalo Gik Moko Duto osekuong’ore gi nyinge owuon ni obiro kelo ji mang’eny ka bonyo mondo omonj Babulon, kendo ka giseloye to ginikog gi mor.

Rapar mar Chik 28:33

“Oganda moro ma ok ung’eyo nocham gik monyak e puotheu, kendo unubed joma othir malich e ngimau duto.

Jong’ad Bura 7:12

Jo-Midian gi jo-Amalek kod jo yo wuokchieng’ duto mane nindo e holo ne ng’eny ka bonyo, kendo ngamia mane gin go nokadho akwana mana ka kuoyo manie dho nam.

Jong’ad Bura 8:10

Noyudo ka Zeba gi Zalmuna ne ni Karkor kaachiel gi jogi mag lweny alufu apar gabich. Ne gin joma nodong’ kuom oganda lweny mar jo wuok chieng’. To jolweny alufu mia achiel gi piero ariyo (120,000) noneg e lweny.

Jong’ad Bura 8:21

Zeba gi Zalmuna nowacho ni Gideon niya, “Bi inegwa mana in iwuon, nimar in e ng’at maduong’ ma bade otegno.” Omiyo Gideon noa malo, monegogi giduto. Eka nokawo odeyo mane nie ng’ut ngamia maggi.

1 Samuel 30:17

Daudi nonegogi chakre rum piny nyaka yuso piny. Onge ng’ato kata achiel kuomgi ma notony mak mana yawuowi mia ang’wen ma noidho ngamia moringo.