Jong’ad Bura 6:4 - MUMA MALER 2015

⁴ Ne giguro hembegi e piny jo-Israel, kendo ne giketho cham nyaka mbap Gaza, ma ok giweyo gimoro amora mane jo-Israel nyalo konyorego, kaka rombo kata dhiang’, kata kanyna.

Motingʼo Loko Manyien

⁴ Negichokore e pinyno kendo negiketho cham duto nyaka Gaza kendo onge gima ngima kaka rombe kata dhok kata punde mane giweyo e piny Israel.

Jong’ad Bura 6:4 ပူးပေါင်းရင်းမြစ်များ

Chakruok 10:19

Bang’e dhout jo-Kanaan nolandore, mi tong’ pinygi nochakore Sidon kochomo Gerar nyaka Gaza, kendo nokadho Sodom gi Gomora mochopo Adma gi Zeboim nyaka Lasha.

Chakruok 13:10

Lut norango koni gi koni, moneno ka holo mar aora Jordan nyaka Zoar nigi pi mang’eny, machal gi puoth Ruoth Nyasaye kata ka piny Misri. (Mano notimore kane pok Ruoth Nyasaye oketho Sodom gi Gomora.)

Ngeche 28:3

Jatelo mathiro jochan chalo gi kodh yamo ma ketho cham.

Jeremia 5:17

Gibiro tieko chambu kaachiel gi chiembu pep, kendo gibiro tieko yawuotu gi nyiu. Gibiro tieko jambu kod olembeu mag mzabibu gi ng’opeu. Giniketh miechu mochiel motegno, mugeno kuomgi.

Tim jo-Lawi 26:16

to ng’euru malong’o ni anatimnu kama: Anapou gi masira kendo gi tho marach kod tuo mayuyo wang’, kendo mamiyo del dhi. Chambu muchwoyo ok nokonyu, nimar wasiku ema nochamgi.

Obadia 1:5

“Ka jokuo obiro gotieno to gikawo mana gik ma gidwaro, kendo ka ji pono mzabibu to pile giweyo moko. Un to wasiku oseyweyou oko gi yuech!

Mika 6:15

Ubiro chuoyo, to ok unuka cham, kendo ubiro biyo zeituni, mi uyud mo, to ok unukonyru gi morno. Bende unulos divai, to ok unumadhi.

Rapar mar Chik 28:33

“Oganda moro ma ok ung’eyo nocham gik monyak e puotheu, kendo unubed joma othir malich e ngimau duto.

Rapar mar Chik 28:51

Ginicham jambu gi chambu, ma ok giweyonu cham kata divai kata mo kata mana chiayo moro kuom jambu nyaka urum.

Jong’ad Bura 6:3

Pile kane jo-Israel osechwoyo, jo-Midian kod jo-Amalek kod ogendini mamoko moa yo wuok chieng’ ne biro monjogi.