Jong’ad Bura 6:30 - MUMA MALER 2015

³⁰ Omiyo ne giwacho ni Joash niya, “Gol wuodi oko, nimar osemuko kendo-mar-liswa mar Baal, kendo oseng’ado siro mane ochung’ e bathe. Omiyo nyaka otho.”

Motingʼo Loko Manyien

³⁰ Jo-dalano nowachone Joash niya, “Gol wuodi oko. Nyaka otho nikech oseketho kendo mar misango mar Baal kendo ongʼado yiend Ashera man bute.”

Jong’ad Bura 6:30 ပူးပေါင်းရင်းမြစ်များ

Jeremia 26:11

Eka jodolo gi jonabi nonyiso jodongo kaachiel gi ji duto niya, “Owinjore ng’ad ni ng’atni buch tho, nikech osewuoyo marach kuom dalawa. Donge usewinje gi itu, kowuoyo?”

Jeremia 50:38

Oro ochopo e pinye, kendo miyo aorene duono. Mago duto otimore nikech Babulon en piny milamoe nyiseche makuero, mabwogo ji, kendo miyo ji fuwo.

Johana 16:2

Ji biro riembou e ut lemo. Adier, ndalo biro ma ka ng’ato onegou, to nopar mana ni otimo gima Nyasaye morgo.

Tich Joote 26:9

An awuon ne aparo ni onego atim gik moko duto maricho ma anyalo, nikech ne amon gi nying Yesu ja-Nazareth!

Jo-Filipi 3:6

kendo kinda mane an-go kuom rito chik kwerewa nomiyo asando kanyakla mar jo-Kristo. Adier, onge ng’ama diyud ketho moro kuoma, nikech narito weche duto ma Chik dwaro.

Jong’ad Bura 6:29

Ne gipenjore ka gidwaro ng’eyo ng’ama otimo kamano, mi bang’e ne giyudo wach ni en Gideon wuod Joash.

Jong’ad Bura 6:31

To kane Joash oneno ka ji ochokore molwore, nopenjogi niya, “Un ema uwuoyo ni Baal koso? Un ema uyalone? Ng’ato ka ng’ato ma yalone ang’ nonegi ka piny pok oru! Ka Baal en nyasaye adier, to mondo owach wachne owuon, nimar en ema nende omuk kendone-mar-liswa.”