Jong’ad Bura 6:27 - MUMA MALER 2015

²⁷ Omiyo Gideon nokawo jotichne apar, mokonye timo gima ne Ruoth Nyasaye ochike. To ne ok ohedhore timo kamano godiechieng’, nikech noluoro joodgi kod jodalagi, omiyo notime mana gotieno.

Motingʼo Loko Manyien

²⁷ Omiyo Gideon nokawo jotijene apar kendo notimo kaka Jehova Nyasaye nowachone. Notimo tijno gotieno ma ok odiechiengʼ nikech noluoro jo-dalagi kod joodgi.

Jong’ad Bura 6:27 ပူးပေါင်းရင်းမြစ်များ

Zaburi 112:5

Ng’at makonyo ji gi chuny maler, kendo matiyo tijene e yo modimbore, en jahawi!

Mathayo 16:24

Bang’ mano, Yesu nowacho ni jopuonjrene niya, “Ka ng’ato dwaro luwa, to nyaka okwerre owuon, mi okaw msalape, kendo oluwa,

Johana 15:14

Ka utimo gik ma achikou, to eka un osiepena.

Johana 2:5

Eka min mare nowacho ni jotich ni, “Timuru gimoro amora mowachonu.”

Johana 3:2

nodhi ir Yesu gotieno, mowachone niya, “Rabi, wang’eyo ni in japuonj moa ka Nyasaye, nikech onge ng’at manyalo timo honni mitimogi, mak mana ka Nyasaye ni kode.”

Jo-Galatia 1:16

mondo ofwenyna Wuode aland Wachne Maber ni joma ok jo-Yahudi, to ne ok apenjo dhano gima onego atim.

Rapar mar Chik 4:1

Musa nomedo wacho niya, “To koro, un jo-Israel, winjuru chike gi buche ma apuonjou, kendo umak, eka unubed mangima kendo unudonj e piny ma Ruoth Nyasaye ma Nyasach kwereu nomiu, mudagie.

1 Jo-Thesalonika 2:4

to wawuoyo kaka joma Nyasaye oseyiego, momiyo Injili. Ok watem bedo malong’o ni ji, to wadwaro bedo malong’o ni Nyasaye, manono chunywa.

Jong’ad Bura 6:26

Eka iger ni Ruoth Nyasaye ma Nyasachi kendo-mar-misango maber mowinjore ewi pidhni. Kaw rwath machielo iwang’ kaachiel gi siro miseng’adono, ka misango miwang’o pep.”

Jong’ad Bura 6:28

Kane jodala ochiew gokinyi, ne giyudo ka omuk kendo-mar-liswa mar Baal, kendo otong’ siro mane ochung’ e bathe, mi ochiw rwath ka misango miwang’o pep e kendo-mar-misango mane Gideon ogero.