Jong’ad Bura 6:26 - MUMA MALER 2015

²⁶ Eka iger ni Ruoth Nyasaye ma Nyasachi kendo-mar-misango maber mowinjore ewi pidhni. Kaw rwath machielo iwang’ kaachiel gi siro miseng’adono, ka misango miwang’o pep.”

Motingʼo Loko Manyien

²⁶ Eka iger kendo mar misango malongʼo ne Jehova Nyasaye ma Nyasachu ewi kama otingʼore maloni mondo ichiw rwath mar ariyo kaka misango miwangʼo pep, kitiyo gi yiend Ashera mane ingʼado.”

Jong’ad Bura 6:26 ပူးပေါင်းရင်းမြစ်များ

2 Samuel 24:18

Chieng’no Gad nodhi ir Daudi, mowachone ni, “Dhiyo kar dino mar Arauna ja-Jebus, igerie ni Ruoth Nyasaye kendo-mar-misango.”

2 Samuel 24:22

Arauna nowacho ni Daudi niya, “Ruoth, kaw akawa gimoro amora ma chunyi dwaro, ichiw ni Nyasaye. Ruedhi nitie minyalo timogo misango, kendo yien mag dino cham, kendo jok motue e ng’ut dhok, minyalo chwako.

Wuok 34:13

Nyaka umuk kendegi mag liswa, kendo uketh sirni maggi milamo, mag kite gi mag yien.

1 Jo-Korintho 14:33

nimar Nyasaye ok en Nyasach koko, to en Nyasach kue.

1 Jo-Korintho 14:40

to weuru gik moko duto otimre maber kendo makare.

Jong’ad Bura 6:25

Otienono Ruoth Nyasaye nowacho ni Gideon niya, “Kaw rwadh wuoru, gi rwath machielo ma hike abiriyo, kendo imuk kendo-mar-liswa mar Baal ma wuoru orito, bende ing’ad siro milamo mochung’ e bathe.

Jong’ad Bura 6:27

Omiyo Gideon nokawo jotichne apar, mokonye timo gima ne Ruoth Nyasaye ochike. To ne ok ohedhore timo kamano godiechieng’, nikech noluoro joodgi kod jodalagi, omiyo notime mana gotieno.

1 Samuel 6:14

Gari nodonjo, mochung’ e puoth Joshua ja-Beth-shemesh, but kidi moro mang’ongo. Ne gibaro yiend gari, kendo ne gichiwo ni Ruoth Nyasaye dhogo ka misango miwang’o pep.