Jong’ad Bura 6:24 - MUMA MALER 2015

²⁴ Bang’ mano, Gideon nogero ni Ruoth Nyasaye kendo-mar-misango kanyo, mochako ni, ‘Jehova Shalom’, (tiende ni, Ruoth Nyasaye en kue.) Kendono pod ni Ofra kuno e piny jo-Abieze, nyaka chil kawuono.

Motingʼo Loko Manyien

²⁴ Omiyo Gideon nogero ne Jehova Nyasaye kendo mar misango mi oluongo kanyo ni Jehova Nyasaye en Kwe. Kendono pod ni Ofra kuno e piny jo-Abiezer nyaka chil kawuono.

Jong’ad Bura 6:24 ပူးပေါင်းရင်းမြစ်များ

Chakruok 12:7

Ruoth Nyasaye nofwenyore ni Abram kanyo, mowachone niya, “Ma e piny ma nami nyikwayi.” Mi Abram nogero kendo-mar-misango kanyono ni Ruoth Nyasaye ma nofwenyorene.

Chakruok 12:8

Bang’e nodar kanyo modhi yo milambo e piny gode man yo wuok chieng’ mar Bethel, moguro hembe e kind Bethel gi Ai, ka Bethel ni yo podho chieng’ to Ai ni yo wuok chieng’. Kanyo bende nogeroe kendo-mar-misango ni Ruoth Nyasaye.

Chakruok 22:14

Ibrahim nochako kanyo ni Jehova-jire (Tiende ni Ruoth Nyasaye e jachiwo). Pod iwacho nyaka chil kawuono ni “God Ruoth Nyasaye ema nochiwee.”

Chakruok 33:20

Nogero kendo-mar-misango kanyo, mochako ni Elelohe-Israel, (tiende ni, El, ma Nyasach Israel.)

2 Samuel 24:25

Eka nogero ni Ruoth Nyasaye kendo-mar-misango kanyono, motimoe misengni miwang’o pep, kod mag sawo. Ruoth Nyasaye nowinjo lemo ma nochiwne, kendo nogeng’o tho malitno mondo kik oneg jo-Israel.

1 Ruodhi 18:32

Kitego nolosogo kendo-mar-misango ni Ruoth Nyasaye. Nokunyo bur molworo kendo-mar-misango. Burno dine rom ting’o migerni ariyo mag koth ngano.

Ezra 3:2

Eka Joshua wuod Jozadak gi jodolo wetene kod Zerubabel wuod Shealtiel gi owetene ne jogero kendo-mar-misango mar Nyasach Israel, mondo otimie misengni miwang’o pep, kaka ondiki e chik Musa ng’at Nyasaye.

Wuok 17:15

Musa nogero kendo-mar-misango, mi nochake ni Jehova-Nisi, (tiende ni, Ruoth Nyasaye e bandecha.)

Jeremia 23:6

E ndalo lochne, jo-Juda nodag gi kue, kendo jo-Israel bende nodag maonge ng’ama chandogi. Ginichak ruodhno ni ‘Ruoth Nyasaye ma resowa.’ ”

Jeremia 33:16

E ndalogo nores jo-Juda, kendo jo-Jerusalem nodag gi kue. Omiyo ginichak dalagi ni, ‘Ruoth Nyasaye moresowa.’

Ezekiel 48:35

Kamano bor ohingano duto nobed mita alufu ochiko. To nying dalano mosiko nobed, ‘Ruoth Nyasaye ni ka.’

Kwan 26:30

Dhout Gilead ne Jezeer gi joka Helek

Joshua 22:10

To kane gichopo Geliloth man but aora Jordan, ne gigero kendo mang’ongo mar misango e bath aora kanyo, mane ji nyalo neno gi kuma bor.

Jong’ad Bura 21:4

Kinyne gokinyi, ji nochiew chon, mogero kendo-mar-misango kanyo, mi gitimoe misengni miwang’o pep kod misengni mag sawo.

Jong’ad Bura 6:23

To Ruoth Nyasaye nowachone niya, “Bed gi kue, kendo kik iluor, nimar ok nitho.”

Jong’ad Bura 8:27

Gideon noloso kido mar nyasaye manono gi dhahabugo, mochungo e dalane Ofra. Jo-Israel duto noweyo Nyasaye modhi kuno lamo nyasaye manonono. Ne odoko obadho ni Gideon kaachiel gi joode.

Jong’ad Bura 8:32

Gideon wuod Joash notho ka hike oniang’ mi oyike Ofra dala jo-Abiezer, e liend Joash wuon mare.

1 Samuel 14:35

Mano emomiyo Saulo nogero ni Ruoth Nyasaye kendo-mar-misango. En e kendo-mar-misango mane okuongo gero ni Ruoth Nyasaye.

1 Samuel 7:17

To bang’e nodoknga Rama, kuma dalane ne nitie. Kuno bende nong’adoe buche jo-Israel, kendo nogeroe kendo-mar-misango ni Ruoth Nyasaye.