Jong’ad Bura 6:20 - MUMA MALER 2015

²⁰ Malaika nowachone niya, “Ket ring’ono kod makatino e lwandani, kendo iol kado kuomgi.” Mi notimo kamano.

Motingʼo Loko Manyien

²⁰ Malaika mar Nyasaye nowachone niya, “Kaw ringʼono kod makati ma ok oketie thowi, ketgi e lwandani, kendo iol kado piny.” Kendo Gideon notimo kamano.

Jong’ad Bura 6:20 ပူးပေါင်းရင်းမြစ်များ

Chakruok 18:3

Eka nowacho niya, “Ruoth, kiyie koda, to kik ikadh mak irawo kuoma.

Jong’ad Bura 13:15

Manoa nowacho ni malaika mar Nyasaye niya, “Yie mondo ibed wendowa mondo walosni nyadiel moro, icham.”

Jong’ad Bura 13:16

To malaika mar Nyasaye nodwoke niya, “Kata ugeng’a mondo abedi, to ok abi chamo chiembu. To unyalo lose mondo uchiwe ni Ruoth Nyasaye ka misango miwang’o pep.” Manoa ne pok ofwenyo ni ng’atno en malaika mar Ruoth Nyasaye,

Jong’ad Bura 13:19

Omiyo Manoa nokawo nyadiel kod mogo, mi notimogo misango ewi lwanda ni Ruoth Nyasaye ma timbene odhiero ji ng’eyo.

Jong’ad Bura 6:19

Kamano Gideon nodhi moyang’o nyadiel kendo otedo. Nokawo mogo ma dirom kilo piero ariyo molosogo makati ma ok ketie thowi. Noketo ring’o e adita to kado noolo e tawo, eka nokelo ni malaika mar Ruoth Nyasaye e tiend yath.

Jong’ad Bura 6:21

Eka malaika mar Ruoth Nyasaye norieyo lwete, momulo ring’o kod makati gi luth mane en-go e lwete. Mach nomwoch e lwanda, mowang’o ring’o gi makati te. Bang’ mano malaikano nolal nono e wang’e.