Jong’ad Bura 6:19 - MUMA MALER 2015

¹⁹ Kamano Gideon nodhi moyang’o nyadiel kendo otedo. Nokawo mogo ma dirom kilo piero ariyo molosogo makati ma ok ketie thowi. Noketo ring’o e adita to kado noolo e tawo, eka nokelo ni malaika mar Ruoth Nyasaye e tiend yath.

Motingʼo Loko Manyien

¹⁹ Gideon nodhi, moyangʼo nyadiel kendo otedo, bangʼe nokawo mogo madirom kilo piero ariyo gariyo mi olosogo makati ma ok oketie thowi koketo ringʼo e adita kod kate e tawo, nokelogi oko kendo ochiwogi ne Jehova Nyasaye e tiend yiend ober.

Jong’ad Bura 6:19 ပူးပေါင်းရင်းမြစ်များ

Chakruok 18:3

Eka nowacho niya, “Ruoth, kiyie koda, to kik ikadh mak irawo kuoma.

Chakruok 18:5

Abiro kelonu chiemo mondo omedu teko, eka unyalo dhi nyime gi wuodhu mosekelou irani.” Ne gidwoke niya, “Mano ber, tim kamano.”

Tim jo-Lawi 2:4

Ka ichiwo gima otedi mondo otimgo misango mar cham, to nyaka obed makati matindotindo ma ok ketie thowi, molos gi mogo mayom modwal gi mo, kata chapat ma ok ketie thowi, mowir gi mo.

Mathayo 13:33

Yesu nochako ogoyonigi ngero machielo niya, “Loch Polo chalo gi thowi mane dhako moro okawo mobagogo mogo atonge adek, mi bang’e ochiek maber.”

Jong’ad Bura 13:20

Kane ligek mach bebni e kendo-mar-misango, kochiko polo, Manoa gi chiege noneno malaika mar Ruoth Nyasaye ka dum dhi e polo ei ligek majno. Omiyo ne gipodho piny auma.

Jong’ad Bura 6:18

Yie kik ia ka nyaka akelni chiwo moro mondo aket e nyimi.” Nodwoke ni, “Abiro riti nyaka iduogi.”

Jong’ad Bura 6:20

Malaika nowachone niya, “Ket ring’ono kod makatino e lwandani, kendo iol kado kuomgi.” Mi notimo kamano.