Jong’ad Bura 6:18 - MUMA MALER 2015

¹⁸ Yie kik ia ka nyaka akelni chiwo moro mondo aket e nyimi.” Nodwoke ni, “Abiro riti nyaka iduogi.”

Motingʼo Loko Manyien

¹⁸ Kiyie to kik iwuog ka nyaka abi kendo akel misango mara mi achiwe e nyimi.” To Jehova Nyasaye nowacho niya, “Abiro rito nyaka iduogi.”

Jong’ad Bura 6:18 ပူးပေါင်းရင်းမြစ်များ

Chakruok 18:3

Eka nowacho niya, “Ruoth, kiyie koda, to kik ikadh mak irawo kuoma.

Chakruok 18:5

Abiro kelonu chiemo mondo omedu teko, eka unyalo dhi nyime gi wuodhu mosekelou irani.” Ne gidwoke niya, “Mano ber, tim kamano.”

Chakruok 19:3

To Lut nonano ni nyaka ginind e ode, mi ne giyie. Nolosonigi chiemo, gi makati ma ok ketie thowi, mi gichamo.

Jong’ad Bura 13:15

Manoa nowacho ni malaika mar Nyasaye niya, “Yie mondo ibed wendowa mondo walosni nyadiel moro, icham.”

Jong’ad Bura 6:17

Gideon nokone niya, “Ka iyie koda adier, to timna gima nyisa ni in ema iwuoyo koda.

Jong’ad Bura 6:19

Kamano Gideon nodhi moyang’o nyadiel kendo otedo. Nokawo mogo ma dirom kilo piero ariyo molosogo makati ma ok ketie thowi. Noketo ring’o e adita to kado noolo e tawo, eka nokelo ni malaika mar Ruoth Nyasaye e tiend yath.