Jong’ad Bura 6:11 - MUMA MALER 2015

¹¹ Bang’ mano, malaika mar Ruoth Nyasaye nobiro, mobet piny e tiend yath moro man Ofra. Yadhno ne mar Joash ja-Abiezer. Noyudo ka Gideon wuod Joash dino cham e bur lwanda mar biyo mzabibu, mondo kik jo-Midian juke gi chamgo.

Motingʼo Loko Manyien

¹¹ Malaika mar Jehova Nyasaye nobiro mobet e tiend yiend ober moro mantiere Ofra mane mar Joash ma ja-Abiezer, kama wuod Gideon ne dinoe ngano mondo kik jo-Midian yude.

Jong’ad Bura 6:11 ပူးပေါင်းရင်းမြစ်များ

Chakruok 16:7

To malaika mar Ruoth Nyasaye noyudo Hagar e thim e soko manie yo madhi Shur.

Chakruok 48:16

Malaika ma oseresa e masiche duto, mondo oguedhgi. Noluonggi gi nyinga kod nying Ibrahim kwara gi nying Isaka wuora. Onego gimedre kendo gibed oganda maduong’ e piny.”

1 Ruodhi 19:19

Elija nowuok kanyo, modhi oyudo Elisha wuod Shafat ka puro. Ji ne puro gi dhok piero ariyo gang’wen; dhok ariyo ne ywayo kwer achiel, to Elisha ema ne puro gi dhok ariyo mogik. Elija nochopo bute, mobolo kuome lawe mar abola.

Isaya 63:9

Omiyo ne odoko jaresgi e chandruok duto. Onge jaote kata malaika moro mane oresogi, to mana en ema osebedo ka owarogi gi herane kod ng’wonone, koting’ogi nyaka nene.

Kwan 26:30

Dhout Gilead ne Jezeer gi joka Helek

Jo-Hibrania 11:32

To an dachak awach ang’o? Thuolo ditama mar wuoyonu kuom Gidion gi Barak gi Samson gi Jeftha gi Daudi gi Samwel kod jonabi.

Joshua 17:2

Dhout jo-Manase modong’ ma gin joka Abiezer gi joka Helek gi joka Asriel gi joka Shekem gi joka Hefer kod joka Shemida, bende nopognigi piny. Mago ne gin dhout nyikwa Manase wuod Josef.

Joshua 18:23

gi Avim, gi Para, gi Ofra

Jong’ad Bura 13:3

Chieng’ moro malaika mar Nyasaye nofwenyore ni chiegeno, mowachone niya, “In dhako ma migumba ma onge nyathi, to ibiro mako ich, mi inywol nyathi ma wuowi.

Jong’ad Bura 13:6

Dhakono nodhi mowacho ni chwore niya, “Ng’at Nyasaye nende obiro ira, to kite ne lich ahinya, machalo mana gi kit malaika mar Nyasaye. Ne ok apenje kuma oaye, to bende ne ok ohulona nyinge.

Jong’ad Bura 5:23

Malaika mar Ruoth Nyasaye owacho ni, ‘Kuong’uru Meroz kod joma odakie gi kuong’ malit, nikech ne ok gibiro mondo gikony Ruoth Nyasaye. Ne ok gikonyo Ruoth Nyasaye kata joge mag lweny.’

Jong’ad Bura 6:12

Malaika mar Ruoth Nyasaye nofwenyorene mowachone niya, “In ng’at ma thwon kendo Ruoth Nyasaye ni kodi.”

Jong’ad Bura 8:2

To Gideon nodwokogi niya, “Ere ndhath gima asetimo? Kata mana gima tinie ma un jo-Efraim usetimo, oloyo mago duto ma dhoodwa osetimo.

Jong’ad Bura 9:5

Abimelek nodhi Ofra dala Jerubaal wuon mare, mi onego owetene piero abiriyo ma yawuot wuon ewi lwanda achiel, mak mana Jotham ma wuod Jerubaal machogo ema nopondo, mi ne ok onego.