Jong’ad Bura 5:6 - MUMA MALER 2015

⁶ E ndalo Shamgar wuod Anath, kendo e ndalo Jael, joohala ne ok nyal dhi e wuoth, to jowuoth ne luwo mana yore mogondore ogondore.

Motingʼo Loko Manyien

⁶ “E ndalo mag Shamgar wuod Anath, kendo e ndalo Jael, yore nojwangʼ, mi jowuoth ne luwo yore matindo.

Jong’ad Bura 5:6 ပူးပေါင်းရင်းမြစ်များ

2 Weche mag Ndalo 15:5

E ndalogo, kue nobed maonge ni ng’ato e yorene duto, nimar chandruok maduong’ nobi kuom ji duto modak e pinyni.

Zaburi 125:5

To chieng’ mikumoe joricho, to kum joma timbegi obam bende. Israel mondo obed gi kue!

Isaya 33:8

Yore madongo odong’ nono; jowuoth ok luwgi. Singruok duto okethi, kendo winjruok motim ok dew. Dhano bende ok kwan ka gimoro.

Jeremia 6:25

Ok wahedhre wuok oko, kata bayo e wang’yore, nikech wasikwa oikore ni lweny kuondego, kendo masiche ng’eny koni gi koni.”

Ywagruok 1:4

Yore madhi Sayun ywagore, nimar onge ng’ama luwogi, kadhi timo sawo kuno, kendo dhorangeye odong’ nono maonge ji. Jodolo mage omo chunygi malit, kendo nyige isando marach. Mano kaka en gi thagruok malich!

Ywagruok 4:18

Wasikwa manyo kuonde ma waluwo, omiyo ok wanyal wuotho e wang’ yore. Ndalowa orumo. Adier, chieng’ thowa osechopo.

Tim jo-Lawi 26:22

Anaor ondiegi mondo omak nyithindu, mi ginineg jambu kendo ginimi udong’ manok, bende wang’ yore duto muluwo notho.

Mika 3:12

Gik mutimo ma kamagogo biro miyo ipuro Sayun ka puodho, mi Jerusalem lokre gunda, kendo god Hekalu lokre bungu.

Jong’ad Bura 3:31

Jatelo mane owuok bang’ Ehud ne en Shamgar wuod Anath. Nonego jo-Filistia mia achiel mana gi bidhi. En bende noreso jo-Israel.

Jong’ad Bura 5:7

Miech Israel nodong’ nono, nyaka nabiro an Debora. Nabiro mabedo ka min ji e Israel.