Jong’ad Bura 5:31 - MUMA MALER 2015

³¹ “A Ruoth Nyasaye, wasiki duto mondo olal nono kamano, to ji duto moheri mondo orieny ka wang’chieng’ ma wuok gi tekone duto.” Bang’e piny Israel nobedo gi kue kuom higni piero ang’wen.

Motingʼo Loko Manyien

³¹ “Omiyo mad wasikgi duto rum, yaye Jehova Nyasaye! To mad joma oheri chal gi chiengʼ, mawuok gi teko.” Bangʼ mano piny Israel nobedo gi kwe kuom higni piero angʼwen.

Jong’ad Bura 5:31 ပူးပေါင်းရင်းမြစ်များ

2 Samuel 18:31

Eka ja-Kush bende nochopo, mowacho niya, “Ruoth akeloni wach maber, nikech Ruoth Nyasaye oseresi e lwet joma nopiem kodi.”

2 Samuel 18:32

Ruoth nopenje niya, “Rawera ma Absalom ngima koso?” Ja-Kush nodwoke niya, “Mad wasiki duto, kod joma piem kodi ka dwaro hinyi, bed mana kaka wuowino koro obedo.”

2 Samuel 23:4

To lochne chalo gi ler mar wang’chieng’, mopilore gokinyi ka boche polo onge, kendo mamiyo lum loth bang’ koth.’

Zaburi 19:6

Ochako ng’wech e tung’ polo konchiel, kendo olworore nyaka komachielo. Lietne chopo kuom gik moko duto te.

Zaburi 20:8

Joma kamago biro chwanyore, mi podhi, to wan wabiro a malo mi wachung’ motegno.

Zaburi 37:6

Enomi nenre maler ni in ng’ama kare, kendo enomi timni makare rieny kaka chieng’ rieny odiechieng’ tir.

Zaburi 89:36

To pile enobed gi nyikwayo, kendo lochne nosik nyaka chieng’.

Zaburi 89:37

Enobed mogurore ka due, ma en janeno maradier e kor polo.’ ”

Zaburi 91:14

Nyasaye owacho niya, “Anawar joma ohera, kendo nakony jogo mong’eya.

Zaburi 92:10

Isemiyo abedo maratego ka jowi, kendo iseguedha kimiya mor.

Zaburi 92:9

Wang’eyo ni wasiki biro tho, kendo joricho duto nolo mi ke nono.

Zaburi 97:10

A Nyasaye, ihero joma mon gi richo. Irito ngima jogi, kendo iresogi e lwet joricho.

Zaburi 97:8

Jo-Sayun mor, kendo joma odak e miech Juda nigi ilo, nikech buche ming’ado, yaye Ruoth Nyasaye.

Wuok 20:6

to tienge gana gi gana mohera kendo momako chikna, to ahero gi hera mosiko.

Ngeche 4:18

Wang’yo ma joma kare luwo, chalo chieng’ mapilore gokinyi, kendo medore ameda nyaka nyango tegno.

Daniel 12:3

To joma riek norieny ka ler mar polo, kendo jogo mane opuonjo ji mang’eny mondo otim gik makare norieny ka sulue nyaka chieng’.

Hosea 6:3

Weuru wabolre kendo watem bedo joma ong’eyo Ruoth Nyasaye, nimar obiro biro irwa adier, mana ka piny ma jaru pile. Bende obiro biro mondo oguedhwa, mana na koth ma miyo piny bedo mang’ich.”

Mathayo 13:43

Bang’ mano, joma kare norieny ka wang’chieng’ e piny Wuon-gi. Ng’at man gi it mar winjo, to mondo owinji!

Jo-Rumi 8:28

Wang’eyo ni Nyasaye omiyo gik moko duto tiyo kaachiel mondo joma ohere oyud gueth. Jogo gin joma oseluongo kaka odwaro.

1 Jo-Korintho 8:3

To ka ng’ato ohero Nyasaye to mano nyiso ni Nyasaye ong’eye.

Jo-Efeso 6:24

Ng’wono obed kod ji duto mohero Ruodhwa Yesu Kristo gi hera ma ok rum.

Rapar mar Chik 6:5

Heruru Ruoth Nyasaye ma Nyasachu gi chunyu duto, gi parou duto, kendo gi tekou duto.

Rapar mar Chik 7:9

Omiyo koro ng’euru ni Ruoth Nyasaye ma Nyasachu en Nyasaye. En Nyasaye ma jaadiera kendo marito singruokne kuom tienge gana gi gana mag ji mohere kendo momako chikene, koherogi gi hera mosiko.

Jakobo 1:12

Ng’at ma nano ka iteme en jahawi, nikech koseloyo tem to noyud osimbo mar ngima ma Ruoth nosingore ni nomi jogo mohere.

Jakobo 2:5

Owetena mahero, winjuru gima awacho. Donge Nyasaye noyiero joma piny kwano ka jochan mondo obed jomwandu korka yie, kendo obed joma yudo gueth mar Loch Nyasaye, mane osingore ni nomi joma ohero?

1 Petro 1:8

Kata obedo ni pok uneno Yesu, to pod uhere ahera, bende kata obedo ni ok unene sani, to pod uyie ayiea kuome, kendo upong’ gi mor maduong’ mokadho awacha,

Fweny 1:16

Ne en gi sulue abiriyo e lwete ma korachwich, kendo ligangla mabith ma dhoge abiriyo ne wuok e dhoge. Pat wang’e ne nenore ka wang’chieng’ mang’angni gi tekone duto.

Fweny 18:20

“To in polo, gone siboi nikech osekethe. Un jo-Nyasaye gi joote kod jonabi, beduru mamor, nimar Nyasaye osekume kuom gima notimonu!

Fweny 6:10

Ne gikok matek niya, “Yaye, Ruoth Maler kendo Maradiera! Nyaka karang’o mapod ibiro bet ka ok ing’adoe bura ni joma odak e piny, kichulo kuor kuom rembwa?”

Jong’ad Bura 3:11

Omiyo piny Israel nobet gi kue kuom higni piero ang’wen. Bang’e Othniel wuod Kenaz notho.

Jong’ad Bura 3:30

Kamano jo-Israel noloyo jo-Moab, mi pinyno nobedo gi kue kuom higni piero aboro.