Jong’ad Bura 5:3 - MUMA MALER 2015

³ Winjuru, un ruodhi! Chikuru itu, un jotelo! Abiro goyo thum, kawer ni Ruoth Nyasaye ma Nyasach Israel.

Motingʼo Loko Manyien

³ “Winjuru, un ruodhi! Chikuru itu, un jotelo! Abiro pako Jehova Nyasaye ka awerne; anachuog ne Jehova Nyasaye ma Nyasach Israel wer.

Jong’ad Bura 5:3 ပူးပေါင်းရင်းမြစ်များ

Chakruok 6:17

“Abiro kelo pi e piny mondo oneg gik mangima duto. Gimoro amora manie piny biro tho,

Chakruok 9:9

“Koro atimo kodu singruok, kaachiel gi nyikwau,

1 Ruodhi 18:22

Eka Elija nowachonigi niya, “Eri an kende e janabi mar Ruoth Nyasaye modong’, to jonabi mag Baal gin mia ang’wen gi piero abich.

1 Ruodhi 19:10

Nodwoko niya, “A Ruoth Nyasaye Manyalo Gik Moko Duto, asetiyoni gi kinda nikech hera maduong’ maherigo, to jo-Israel ok oserito singruok mane itimo kodgi. Gisemuko kendeni mag misango, kendo gisenego jonabi magi, mak mana an ema adong’, to koro gidwaro nega.”

1 Ruodhi 19:14

Nodwoko ni, “A Ruoth Nyasaye Manyalo Gik Moko Duto, asetiyoni gi kinda, to jo-Israel ok oserito singruok mane itimo kodgi. Gisemuko kendeni mag misango, kendo gisenego jonabi magi; mak mana an ema odong’, to koro gidwaro nega.”

Ezra 7:21

“To an ruoth Artaxerxes, agolo chik ni jokeno duto mag pinya man loka aora Yufrate, ni gimoro amora ma Ezra jadolo kendo japuonj chik Nyasach polo nodwar kuomu, nyaka umiye,

Zaburi 119:46

bende anahul ni ruodhi chikeni, ka aonge gi wich kuot.

Zaburi 146:2

Anapake kuom ngimana duto. Ee, anadend Nyasacha gi wer ndalona duto.

Zaburi 27:6

Kamano analo wasigu molwora koni gi koni. Anachiw misengni e Hekalu gi mor, kendo anapak Ruoth Nyasaye gi wer.

Zaburi 61:8

Eka abiro paki gi wer nyaka chieng’, kendo pile abiro chiwoni gik ma asesingora ni nachiw.

Wuok 31:6

To bende aseyiero Oholiab wuod Ahisamak, ja Dan, mondo okonye, kendo asemiyo jotich duto molony rieko mondo olos gigo duto masechiki.

Tim jo-Lawi 26:28

to an bende nasik kapiem kodu gi mirimba mager, mi nakumu nyadibiriyo nikech richou.

Rapar mar Chik 32:1

“In polo, chik iti ka awuoyo! In piny, winj wechena!

Rapar mar Chik 32:3

Abiro luongo nying Ruoth Nyasaye, to dwokuru ni, ‘Omi Nyasaye duong’!’

Jong’ad Bura 5:7

Miech Israel nodong’ nono, nyaka nabiro an Debora. Nabiro mabedo ka min ji e Israel.