Jong’ad Bura 5:22 - MUMA MALER 2015

²² Tiend faresegi ne goyo koko ka ringo.

Motingʼo Loko Manyien

²² Bangʼ mano mor mar tiende farese nowinji kachikore gi teko mangʼeny.

Jong’ad Bura 5:22 ပူးပေါင်းရင်းမြစ်များ

Ayub 39:19

Ayub, in ema ne ichueyo faras mondo obed motegno kamano? Koso in ema ne iketo yier maboyo e ng’ute?

Zaburi 20:7

Ji moko ogeno kuom gechegi mag lweny, to moko ogeno kuom faresegi. Wan to wageno kuom teko mar Ruoth Nyasaye!

Zaburi 33:17

Kata mana faras matek manade ok nyal miyo ng’at mogeno kuome tony.

Isaya 5:28

Aserni maggi opiag mabith, kendo atungegi duto oywa motegno. Ombong’ faresegi tek ka kite, kendo tiend gechegi mag lweny winyore ka kalausi.

Jeremia 47:3

Giniwinj tiend farese ka diko, gi geche maringo, kod tiend geche ka mutni. Wuone nyithindo ok nodog chien mondo oom nyithindgi, to ginibed maluor maonge gi teko,

Jeremia 47:4

nikech kinde osechopo mikethoe piny Filistia. Kamano konyruok ma jo-Turo gi jo-Sidon geno yudo kuom Filistia norum pep, nimar an Ruoth Nyasaye abiro ketho jo-Filistia duto mane oa e dho nembe mag Kaftor.

Jeremia 8:16

Ne wawinjo ka farese mag wasigu futo ka Dan, kendo ywakgi ne miyo piny duto yiengni. Wasigugo osebiro mondo oketh pinywa, kod gik moko duto mantie, kaachiel gi dalawani kod joma odakie.”

Ezekiel 27:14

Jo-Beth-togarma ne miyi farese matiyo, gi mago miidho, kod kenje kar gigi.

Mika 4:13

Mano emomiyo Ruoth Nyasaye wacho niya, “Un jo-Jerusalem, chakuru kumo wasiku! Abiro miyo ubedo maratego ka rwath ma tunge tek ka nyinyo, kendo ma tiende chalo chuma. Ubiro nyono ogendini mang’eny, kendo unuwalna mwandugi kod gik ma giseyako, obed maga, an Ruoth Nyasaye ma ruodh piny ngima.”