Jong’ad Bura 5:13 - MUMA MALER 2015

¹³ Eka jolweny nolor gi jotendgi. Jo-Ruoth Nyasaye nolor ire, ka giikore ni lweny.

Motingʼo Loko Manyien

¹³ “Eka jogo mane owe nobiro ir ruodhi; oganda Jehova Nyasaye nobiro ira gi teko duto.

Jong’ad Bura 5:13 ပူးပေါင်းရင်းမြစ်များ

Zaburi 49:14

Gimwomore e tho ka rombe, kendo tho nogono ema biro bedo jakwadhgi. Joma kare nogonigi siboi gokinyi, ka ringregi top e Piny Joma Otho, kuma bor gi pinygi.

Zaburi 75:7

to Nyasaye e jang’ad bura. Odwoko ji moko piny, to moko oting’o malo.

Ezekiel 17:24

Yien duto mae piny nong’e ni an Ruoth Nyasaye ema atong’o yien maraboche, to amiyo yien matindo dongo maboyo. Bende an ema amiyo yien mang’ich two, kendo amiyo yien motwo chako doko mang’ich. An Ruoth Nyasaye ema awacho kamano, kendo abiro timo gima asewacho.”

Jo-Rumi 8:37

To kata kamano, waloyo gigo duto chutho, nikech teko mar Jal mane oherowa,

Fweny 3:9

To winji, nitie jomoko mag oganda jolemo mar Satan, maluongore ni jo-Yahudi, to ok gin jo-Yahudi, to giriambo ariamba. Abiro miyo gibiro, mi gipodhi e tiendi, kendo ging’e ni aheri.

Jong’ad Bura 5:12

Chiew! Chiew, in Debora! Chiew! Chiew, ichak wer. A malo Barak! Wuod Abinoam, imak ji mang’eny!

Jong’ad Bura 5:14

Jo-Efraim nobiro, moriedo ni lweny gi chir, ka giwacho niya, ‘Wan kodu, un jo-Benjamin! Oweteu ni ka!’ Jotend jolweny nobiro koa Makir, kaachiel gi jo-Zebulun ma nomako ludh jodong lweny.

Jong’ad Bura 5:23

Malaika mar Ruoth Nyasaye owacho ni, ‘Kuong’uru Meroz kod joma odakie gi kuong’ malit, nikech ne ok gibiro mondo gikony Ruoth Nyasaye. Ne ok gikonyo Ruoth Nyasaye kata joge mag lweny.’