Jong’ad Bura 4:7 - MUMA MALER 2015

⁷ Enomi Sisera jaduong’ jolweny Jabin bi e aora Kishon, kaachiel gi gechene kod ogandane, kendo nochiwgi e lweti kuno.”

Motingʼo Loko Manyien

⁷ Abiro wuondo Sisera, jatend jolwenj Jabin, kanyakla gi gechene kod ogandage mag lweny nyaka e Aora Kishon kendo achiwe e lweti.’ ”

Jong’ad Bura 4:7 ပူးပေါင်းရင်းမြစ်များ

1 Ruodhi 18:40

Elija nokonogi niya, “Makuru jonabi mag Baal. Kik uwe kata achiel tony.” Ne gimakogi, mi Elija noterogi mwalo e aora Kishon, monegogi kuno.

Wuok 14:17

Abiro jiwo jo-Misri mondo oluw bang’u. Nyinga noyud duong’ kuom loyo Farao gi joge mag lweny gi gechene, kaachiel gi joidh faresene.

Wuok 14:4

Abiro miyo chunye doko matek, mi enolawu. To loch ma nalogo Farao kaachiel gi ogandane mar lweny nomi nyinga duong’, mi jo-Misri nong’e ni kara an Nyasaye.” Kamano jo-Israel notimo kaka nowachnigi.

Wuok 14:8

Ruoth Nyasaye nomiyo chuny Farao ruodh Misri odoko matek, mi nolawo jo-Israel ma nosewuok ka chunygi ochayo jo-Misri.

Wuok 21:13

To ka obothne, to onyalo ringo mondo odhi oresre kuma abiro nyisou.

Joshua 10:8

Ruoth Nyasaye nowachone niya, “Kik iluorgi, nikech asechiwogi e lweti, kendo onge kata ng’at achiel ma nosiri.”

Joshua 11:20

Ruoth Nyasaye nomiyogi chir mar kedo gi jo-Israel mondo jo-Israel oneggi maonge ng’wono, kendo otiekgi chuth, mana kaka Ruoth Nyasaye nosechiko Musa.

Joshua 11:6

Ruoth Nyasaye nowacho ni Joshua niya, “Kik iluorgi, nimar kiny sa makama nachiwgi e lwet jo-Israel, kendo giduto ginitho, mi ning’ad odond faresegi kendo niwang’ gechegi.”

Joshua 8:7

Kwaringo kamano, eka uwuogi kama upondoe, kendo ukaw dalagino, nikech Ruoth Nyasaye ma Nyasachu biro chiwe e lwetu,

Jong’ad Bura 4:14

Debora nowacho ni Barak niya, “A malo! Kawuononi Ruoth Nyasaye biro keto Sisera e lweti. Ruoth Nyasaye osewuok kedo e nyimi.” Kamano Barak nobiro koa got Tabor gi ji alufu apar.

Jong’ad Bura 4:8

Barak nodwoke niya, “Anyalo mana dhi ka in bende idhi koda, to ka ok idhi to an bende ok adhi.”

Jong’ad Bura 5:21

Aora Kishon maringo matek noyuoyo jo-Sisera! Adier, aora Kishon nogeng’onigi. Yaye chunya, tim teko!

1 Samuel 24:10

Ne kaka Ruoth Nyasaye nende oketi e lweta ei rogo kawuono. Jomoko nende owachona ni mondo anegi, to naweyi. Nende awacho ni ok nater lweta kuom ruodha, nikech en ng’at mowir ma Ruoth Nyasaye oyiero.

1 Samuel 24:18

Ng’wono mitimona kawuono duong’ motamore gi nono, nikech Ruoth Nyasaye noketa e lweti, to ne ok inega.