Jong’ad Bura 4:3 - MUMA MALER 2015

³ kendo ne en gi geche lweny mag nyinyo mia ochiko. Nothago jo-Israel malit kuom higni piero ariyo. Omiyo jo-Israel noywak ni Ruoth Nyasaye mondo okonygi.

Motingʼo Loko Manyien

³ Nikech ne en-gi geche chuma mia ochiko kendo notiyo jo-Israel gachuna kuom higni piero ariyo, ne giywakne Jehova Nyasaye mondo oresgi.

Jong’ad Bura 4:3 ပူးပေါင်းရင်းမြစ်များ

Zaburi 106:42

Bende wasikgigo ne othirogi, mi olokogi wasumbgi.

Zaburi 50:15

Luongauru e kinde ma unie chandruok, mi anaresu, kendo unumiya duong’.

Zaburi 78:34

To kane ochako negogi, joma odong’ nolokore odok ire, kendo olame matek.

Wuok 2:23

Bang’e achien, ruodh Misri notho, to jo-Israel ne pod ng’ur malich kuom bedo wasumbini, kendo ne giywak malit mondo ogolgi e thagruok ma kamano. Ywakgino notundo ni Nyasaye

Rapar mar Chik 28:29

Unubed kumulo godiechieng’, mana kaka muofu mulo, kendo ok nuchop kuma udwaro dhiyoe. Nothiru kendo noyaku e ngimau duto, kendo onge ng’at ma nokonyu.

Rapar mar Chik 28:33

“Oganda moro ma ok ung’eyo nocham gik monyak e puotheu, kendo unubed joma othir malich e ngimau duto.

Joshua 17:16

To joka Josef nowachone niya, “Adier piny godeno ok oromowa, to bende jo-Kanaan modak Beth-sheam gi mier mokiewo kode kaachiel gi mago modak e paw Jezreel, nigi geche lweny mag nyinyo!”

Jong’ad Bura 1:19

Ruoth Nyasaye nokonyo jo-Juda, omiyo ne gikawo piny gode, to ne ok ginyal riembo joma nodak e piny pewe, nikech ne gin gi geche lweny mag nyinyo.

Jong’ad Bura 10:10

Eka jo-Israel noywak ni Ruoth Nyasaye, ka giywak niya, “A Nyasachwa, waseketho e nyimi, nikech waseweyi, mi walamo mana Baal.”

Jong’ad Bura 10:16

Kuom mano ne giwito nyisechegi manono, mi gilamo Ruoth Nyasaye. Eka Ruoth Nyasaye nokechogi kuom thagruokgi.

Jong’ad Bura 3:15

To kane jo-Israel oywak ni Ruoth Nyasaye mondo okonygi, Ruoth Nyasaye nomiyogi ng’ato moresogi. Ne en Ehud wuod Gera ja-Benjamin, mane ng’at ma racham. Chieng’ moro jo-Israel noore mondo odhi ochul osuchgi ni Eglon ruodh Moab.

Jong’ad Bura 3:9

To kane jo-Israel oywak ni Ruoth Nyasaye mondo okonygi, nomiyo ng’ato moresogi. Ne en Othniel wuod Kenaz ma owadgi Kaleb matin.

Jong’ad Bura 4:13

nochoko gechene mia ochiko mag nyinyo kod jolwenje duto. Eka ne giwuok Harosheth-mar-ogendini, mi gidhi e aora Kishon.

Jong’ad Bura 4:4

E ndalogo Debora janabi madhako ma chi Lapidoth ne jang’ad bura e Israel.

Jong’ad Bura 5:8

Ne giyiero nyiseche manyien. Ne gilamo mana jochiende. Kuot kata tong’ ne ok nyal yudi kuom jo-Israel alufu piero ang’wen.

Jong’ad Bura 6:6

Kamano jo-Midian nomiyo jo-Israel obedo modhier, mi jo-Israel noywak ni Ruoth Nyasaye mondo okonygi.

1 Samuel 7:8

Ne giwacho ni Samuel niya, “Kik iwe kwayonwa Ruoth Nyasaye ma Nyasachwa mondo oreswa e lwet jo-Filistia.”