Jong’ad Bura 4:16 - MUMA MALER 2015

¹⁶ Barak nolawogi nyaka Harosheth, monego jolwenygo duto, mi kargi olal ma onge kata ng’at achiel ma nodong’.

Motingʼo Loko Manyien

¹⁶ To Barak nodhi nyime gi lawo geche kod jolweny ma ochopo Harosheth Hagoyim. Oganda lweny duto mar Sisera noneg gi ligangla; kendo onge ngʼama notony.

Jong’ad Bura 4:16 ပူးပေါင်းရင်းမြစ်များ

Zaburi 104:35

Onego tiek joricho e piny. Adier, joma timbegi mono mondo olal nono. A chunya, pak Ruoth Nyasaye! Ee, wadendeuru!

Zaburi 83:10

Ne oneggi Endor, mi ringregi odong’ katop kuno,

Zaburi 83:9

A Nyasaye, timnigi kaka ne itimo ni jo-Midian, kendo kaka ne itimo ni Sisera gi Jabin e aora Kishon.

Wuok 14:28

Pi noduogo, moimo geche lweny gi joidh farese kod jolweny duto mag Farao ma nolawo jo-Israel ei nam. Onge kata ng’at achiel mane odong’.

Isaya 43:17

Bende ne amiyo geche lweny kod farese odonjo kuno, kaachiel gi oganda lweny maratego, mong’ielore piny, ma ok nyal chako chung’ kendo. Adier, ne githo mana ka taya mosim. Koro awachonu niya,

Jo-Rumi 2:12

Joma timo richo, to ok ong’eyo Chik Musa, nolal nono, kata obedo ni gikia Chik kamano. Joma timo richo, to ong’eyo Chik, nong’adnigi bura kaluwore gi Chik.

Jakobo 2:13

Jang’ad bura ok nokech ng’at ma ok kech ji. Ng’at ma kecho ji to onge gima oluoro kuom jang’ad bura.

Joshua 10:10

kendo Ruoth Nyasaye notaro wang’gi mokeyogi e nyim jo-Israel, mi nologi chuth. Jo-Israel nolawogi e yo maridore Beth-horon, mi ne ginegogi nyaka Azeka gi Makeda.

Joshua 11:8

Ruoth Nyasaye nochiwogi e lwet jo-Israel, mi jo-Israel noloyogi, kendo nolawogi yo nyandwat nyaka Sidon Maduong’, kendo yo podho chieng’ nyaka Misrefoth, kendo yo wuok chieng’ nyaka holo mar Mizpa. Ne ginegogi, ma onge kata ng’at achiel ma nodong’ ka ngima.

Jong’ad Bura 4:17

To Sisera noringo modhi e hemb Jael chi Heber ma ja-Keni, nikech ne nitie winjruok e kind Jabin ruodh Hazor gi jood Heber.

Jong’ad Bura 4:2

omiyo nochiwogi e lwet Jabin ruodh jo-Kanaan ma nodak Hazor. Jaduong’ jolweny Jabin ne nyinge Sisera. Nodak Harosheth-hahagoim,