Jong’ad Bura 4:1 - MUMA MALER 2015

¹ Bang’ tho Ehud, timbe jo-Israel nochako obedo maricho e nyim Ruoth Nyasaye,

Motingʼo Loko Manyien

¹ Bangʼ ka Ehud nosetho, jo-Israel nochako otimo tim mamono e wangʼ Jehova Nyasaye.

Jong’ad Bura 4:1 ပူးပေါင်းရင်းမြစ်များ

Jeremia 5:3

Donge adiera ema Ruoth Nyasaye dwaro? Ne ogoyou piny, to ne ok udewo. Ne osandou malit, to ne utamoru winjo puonjne. Wiu tek ka lwanda, kendo udagi duogo ire,

Jo-Hibrania 11:32

To an dachak awach ang’o? Thuolo ditama mar wuoyonu kuom Gidion gi Barak gi Samson gi Jeftha gi Daudi gi Samwel kod jonabi.

Jo-Hibrania 11:33

Yie ema ne omiyo giloyo pinje mamoko, kendo girito ji gi bura makare, mi giyudo ni Nyasaye ochopo singruokne.

Jong’ad Bura 10:6

Timbe jo-Israel nochako odoko maricho e nyim Ruoth Nyasaye. Ne gitiyo ni nyiseche manono kaka Baal gi Ashtaroth gi nyiseche mag jo-Aram gi mag jo-Sidon gi mag jo-Moab gi mag jo-Amon kod mag jo-Filistia. Ne giweyo Ruoth Nyasaye, mi ok gilame.

Jong’ad Bura 2:11

Timbe jo-Israel nodoko maricho e nyim Ruoth Nyasaye, kendo ne gilamo nyiseche manono miluongo ni Baal.

Jong’ad Bura 3:12

Timbe jo-Israel nochako obedo maricho kendo e nyim Ruoth Nyasaye, omiyo Ruoth Nyasaye nothuwo Eglon ruodh Moab mondo oked kodgi.

Jong’ad Bura 3:7

Wi jo-Israel nowil gi Ruoth Nyasaye ma Nyasachgi, mi timbegi nodoko maricho e nyime, ka gilamo Baal kod nyiseche ma mon miluongo ni Asher.

Jong’ad Bura 6:1

Timbe jo-Israel nochako obedo maricho e nyim Ruoth Nyasaye mi nochiwogi e lwet jo-Midian kuom higni abiriyo.