Jong’ad Bura 3:7 - MUMA MALER 2015

⁷ Wi jo-Israel nowil gi Ruoth Nyasaye ma Nyasachgi, mi timbegi nodoko maricho e nyime, ka gilamo Baal kod nyiseche ma mon miluongo ni Asher.

Motingʼo Loko Manyien

⁷ Jo-Israel notimo tim mamono e wangʼ Jehova Nyasaye; ne wigi owil gi Jehova Nyasaye ma Nyasachgi mi gitiyone Baal kod Ashera.

Jong’ad Bura 3:7 ပူးပေါင်းရင်းမြစ်များ

1 Ruodhi 16:33

kendo nochungo siro milamo miluongo ni Ashera. Nomiyo Ruoth Nyasaye ma Nyasach Israel mirima moloyo ruodhi duto mag Israel ma nokwongone.

1 Ruodhi 18:19

Emomiyo koro or wach mondo jo-Israel duto obi, wachokre e got Karmel, kaachiel gi jonabi mia ang’wen gi piero abich mag Baal, kod mag Ashera mia ang’wen, ma Jezebel opidho.”

2 Ruodhi 23:14

Noturo sirni mag kite gi mag yien mane ji lamo, motoyogi matindotindo, mi kuonde mane gichungie nodino gi choke ji.

2 Ruodhi 23:6

Nogolo siro milamo miluongo ni Ashera e Od Ruoth Nyasaye, motero e dho aora Kidron e bath Jerusalem. Nowang’e kanyo but aora, motoye matindotindo nyaka olokore buru. Eka nokawo buche, mopuko e liete ji ajiya.

2 Weche mag Ndalo 15:16

Bende Asa nogolo Maaka min mare e duong’ne mar bedo min ruoth, nikech noloso kido makuero maket gi nyasaye ma dhako miluongo ni Ashera. Asa nomuko gima ketno, mong’ade matindotindo, kendo nowang’e e dho aora Kidron.

2 Weche mag Ndalo 24:18

Koro ji noweyo Od Ruoth Nyasaye, mi gitiyo ni sirni milamo gi nyiseche mamoko. Kethono nomiyo Nyasaye okecho kod jo-Juda gi jo-Jerusalem.

2 Weche mag Ndalo 33:19

To lemone, kendo kaka Nyasaye nowinjo kwayone, kaachiel gi kethone gi richone duto, kod kuonde mane ogeroe hembko moketoe sirni milamo gi kido mag nyiseche manono, kane pok chunye olokore modembore kuom Ruoth Nyasaye, ondiki e Kitap Weche mag Ndalo mag Jonen.

2 Weche mag Ndalo 33:3

Nochako oloso hembko man kuonde moting’ore mane Hezekia wuon mare oseketho, kendo nogero kuonde liswa ni Baal. Nochungo sirni milamo, kendo nolamo sulue duto kotiyonigi.

2 Weche mag Ndalo 34:3

E higa mar aboro mar lochne, kane pod en rawera, nochako luwo Nyasach Daudi kwar mare. To e higa mar apar gariyo nochako pwodho Juda gi Jerusalem, koketho hembko mane ni kuonde moting’ore, gi sirni milamo, kod kido mopa gi mothedhi.

2 Weche mag Ndalo 34:7

Nomuko bende kende-mag-liswa kod sirni milamo, gi kido manono, mi otoyogi molokogi buru. Noketho kende duto miwang’oe ubani e piny Israel duto. Eka nodok Jerusalem.

Zaburi 106:35

to kar timo kamano, ne gikendore akenda kodgi, mi giluwo timbegi.

Zaburi 106:36

Kuom mano jo-Nyasaye nolamo kido mag nyiseche manono, mi mano nolokorenigi obadho.

Zaburi 106:7

Kwerewa ne ok owinjo tiend honni malich, mane Nyasaye otimo e piny Misri. Wigi ne owil gi timbe mathoth mane nyiso herane, mi ne gipiem kode e Nam Makwar.

Wuok 34:13

Nyaka umuk kendegi mag liswa, kendo uketh sirni maggi milamo, mag kite gi mag yien.

Jeremia 23:27

Giparo ni lek ma giwachogo biro miyo wi joga wil koda kaka wi kweregi nowil koda, modok ni Baal.

Rapar mar Chik 16:21

“Kik upidh yath moro amora milamo but kendo-mar-misango, mubiro gero ni Ruoth Nyasaye ma Nyasachu,

Rapar mar Chik 4:9

“To beduru kutang’ kendo neuru ni wiu ok owil gi gik museneno gi wang’u. Kik uwe gia e chunyu ka pod ungima, to hulgiuru ni nyithindu kendo ni nyikwau.

Rapar mar Chik 8:11

“Kik wiu wil gi Ruoth Nyasaye ma Nyasachu, kendo kik uwe rito chikene gi buchene ma amiyou kawuononi.

Rapar mar Chik 8:14

to kik ubed josunga, mi wiu wil gi Ruoth Nyasaye ma Nyasachu mane ogolou Misri kuma nubedoe wasumbni,

Rapar mar Chik 8:18

to paruru Ruoth Nyasaye ma Nyasachu, nimar en ema omiyou teko mar yudo mwandu. Kamano ochopo singruok mane omiyo kwereu, kokuong’ore.

Jong’ad Bura 3:12

Timbe jo-Israel nochako obedo maricho kendo e nyim Ruoth Nyasaye, omiyo Ruoth Nyasaye nothuwo Eglon ruodh Moab mondo oked kodgi.

Jong’ad Bura 3:8

Kuom mano, Ruoth Nyasaye nokecho kodgi, mochiwogi e lwet Kushan-rishathaim ruodh Mesopotamia, mi gibedo e bwo lochne kuom higni aboro.

Jong’ad Bura 6:25

Otienono Ruoth Nyasaye nowacho ni Gideon niya, “Kaw rwadh wuoru, gi rwath machielo ma hike abiriyo, kendo imuk kendo-mar-liswa mar Baal ma wuoru orito, bende ing’ad siro milamo mochung’ e bathe.

Jong’ad Bura 8:33

Bang’ tho Gideon, jo-Israel nolokore kendo, moweyo Nyasaye. Ne gichako gilamo Baal, mi giloko Baal-berith nyasachgi.

Jong’ad Bura 8:34

Ne giweyo lamo Ruoth Nyasaye ma Nyasachgi mane oseresogi kuom wasikgi mane olworogi.

1 Samuel 12:10

Ne giywak ni Ruoth Nyasaye ka giwacho niya, ‘Waseketho, nikech waseweyi, kendo waselamo Baal gi Ashtaroth, to koro mondo ireswa e lwet wasikwa, kendo wanatini.’

1 Samuel 12:9

To wigi nowil gi Ruoth Nyasaye ma Nyasachgi, omiyo nojwang’ogi e lwet Sisera, jaduong’ jolweny ma Jabin ruodh Hazor, kendo e lwet jo-Filistia, kendo e lwet ruodh Moab, mi nyaka ne gikedo kodgi.