Jong’ad Bura 3:4 - MUMA MALER 2015

⁴ Ruoth Nyasaye noweyo jogo mondo otemgo jo-Israel, kendo ong’ego ka ginyalo rito chike mane omiyo Musa mondo omi kweregi.

Motingʼo Loko Manyien

⁴ Jehova Nyasaye nowegi mondo otemgo jo-Israel kendo ongʼego ka ginyalo rito chike mane omiyo kweregi kokalo kuom Musa.

Jong’ad Bura 3:4 ပူးပေါင်းရင်းမြစ်များ

Wuok 15:25

Musa nolamo Ruoth Nyasaye gi chunye duto, mi Ruoth Nyasaye nonyise osiki moro. Nokawe, mobole e pi, mi pi nodoko mamit. Kanyo ema Ruoth Nyasaye nomiyogie chik mogurore, kendo kanyo ema notemogie.

1 Jo-Korintho 11:19

nikech pogruok nyaka bed e kindu, mondo joma ogen ong’ere ratiro!

Rapar mar Chik 33:8

Jo-Lawi to nowuoyo kuomgi niya, “A Ruoth Nyasaye, nimiyo nyikwa Lawi ombulu miluongo ni Urim gi Thumim mondo ging’ego dwaroni, nikech gin joma tiyoni gi adiera. Ne itemogi Masa, kendo e sokni mag Meriba mi inwang’o ni gin joma inyalo geno.

Rapar mar Chik 8:2

Paruru wuoth mabor mane Ruoth Nyasaye ma Nyasachu otelonue kuom higni piero ang’wen ka un e thim. Nodwokou piny kotemougo, mondo ong’e ane ka unyalo rito chikene adier.

Jong’ad Bura 2:22

Abiro temo jo-Israel gi tim jogo, mondo ane ane ka digiluw yorena adimba kaka kweregi notimo.”

Jong’ad Bura 3:1

Ruoth Nyasaye noweyo ogendini moko mondo otemgo jo-Israel mane ok okedo e ndalo mane gikawo piny Kanaan.