Jong’ad Bura 3:3 - MUMA MALER 2015

³ Ogendinigo e magi: ruodhi abich mag jo-Filistia gi jo-Kanaan duto, gi jo-Sidon kod jo-Hivi mane odak Lebanon, chakre god Baal-hermon nyaka kama idonjogo Hamath.

Motingʼo Loko Manyien

³ Ogendinigo ne gin: ruodhi abich mag jo-Filistia, jo-Kanaan duto, jo-Sidon, kod jo-Hivi mane odak e gode mag Lebanon kochakore got Baal Hermon nyaka got Lebo Hamath.

Jong’ad Bura 3:3 ပူးပေါင်းရင်းမြစ်များ

Chakruok 49:13

“Zebulun nodag e dho nam, kama yiedhi gowoe, kendo mbape nogik Sidon.

2 Samuel 24:7

gi dala Turo mochiel gi ohinga kod mier duto mag jo-Hivi gi mag jo-Kanaan. Achien ne gidhi nyaka Beer-sheba, yo thim Juda.

1 Ruodhi 8:65

E ndalogo Solomon, kaachiel gi jo-Israel duto, notimo sawo maduong’ e nyim Ruoth Nyasaye kuom ndalo abiriyo. Oganda maduong’ nochokore kanyo moa e piny Israel duto, chakre kama idonjogo Hamath nyaka aora manie kind pinygi kod piny Misri.

1 Ruodhi 9:20

Ji duto ma nodong’ e piny Israel kuom jo-Amor, gi jo-Hiti, gi-jo-Perizi, gi jo-Hivi, kod jo-Jebus, ma ok jo-Israel,

Ezekiel 47:20

“Nam Mediterenia ema nobed tong’ ma yo podhochieng’, kendo noring kochomo yo nyandwat nyaka moro man yo podhochieng’ mar kama idonjogo Hamath.

Kwan 13:29

gi jo-Amalek modak e piny milambo, gi jo-Hiti gi jo-Jebus kod jo-Amor modak e piny gode, kod jo-Kanaan modak e dho nam, kendo e bath aora Jordan.”

Kwan 34:8

kendo koa got Hor, nochom kama idonjogo Hamath, mi nogik Zadad.

Rapar mar Chik 1:7

omiyo koro chakuru wuoth, mondo udhi e piny gode mag jo-Amor, kendo uked gi joma odak machiegni kodgi e holo mar aora Jordan, gi piny gode kod piny pewe gi piny man yo milambo, kod dhonam, ma tiende ni piny Kanaan kod piny Lebanon duto nyaka aora maduong’ mar Yufrate.

Rapar mar Chik 3:9

(Jo-Sidon luongo got Hermon ni Sirion, to jo-Amor luonge ni Senir.)

Joshua 11:19

Miego duto nokaw gi thwon, ma onge mane otimo winjruok gi jo-Israel mak mana Gibeon mane jo-Hivi odakie.

Joshua 11:3

Nooro wach bende ni jo-Kanaan ma yo wuokchieng’ gi ma yo podho chieng’, kendo ni jo-Amor gi jo-Hiti gi jo-Perizi gi jo-Jebus ma nodak e piny gode, kod jo-Hivi ma nodak e tiend got Hermon e piny Mizpa.

Joshua 13:3

(Pinyno duto chakre Shihor yo wuok chieng’ mar Misri, nyaka Ekron yo nyandwat, ikwano ka piny Kanaan. To ruodhi mag jo-Filistia ma nodak Gaza gi Ashdod gi Ashkelon gi Gath kod Ekron ema ne weg pinyno.) “Piny jo-Avim duto

Joshua 13:5

kod piny jo-Gebal gi piny Lebanon duto man yo wuok chieng’ mar Baal-gad manie tiend got Hermon nyaka kama idonjogo Hamath.

Joshua 19:28

gi Abdon gi Rehob gi Hamon kod Kana, mochopo Sidon Maduong’.

Joshua 9:7

To jo-Israel nodwoko jo-Hivigo niya, “Ang’o ma dimi watim kodu winjruok mar kue? Kamoro udak mana machiegni kodwa.”

Jong’ad Bura 10:12

gi jo-Sidon gi jo-Amalek kod jo-Maon nothirou e higni mokadho. To kane uywakna, donge ne aresou e lwetgi?

Jong’ad Bura 10:7

Omiyo Ruoth Nyasaye nokecho kodgi, mochiwogi e lwet jo-Filistia gi jo-Amon.

Jong’ad Bura 14:4

Jonywolne ne ok ong’eyo ni Ruoth Nyasaye ema ne dwaro ni mondo gima kama otimre mondo oyudgo yo mokelogo ni jo-Filistia masira. E ndalogo jo-Israel ne ni e bwo loch jo-Filistia.

Jong’ad Bura 18:7

Omiyo ji abichgo nowuok mochako wuodhgi. Ne giwuotho awuotha mi gipo ka gichopo Laish. Ne gineno ka jokuno odak gi kue mana kaka jo-Sidon. Ne gin ji mamuol man gi kue, ma ok par ni ng’ato dimonjgi, kendo ne gin gi gik moko, ma onge gimoro ma gichando. Ne gidak mabor gi jo-Sidon, kendo ne ok gitimo winjruok moro amora gi jo-Aram.

Jong’ad Bura 3:2

Notimo kamano ni mondo tienge jo-Isarel mabiro, kod joma ne pok opuonjore kaka ikedo, ong’e lweny.

Jong’ad Bura 4:2

omiyo nochiwogi e lwet Jabin ruodh jo-Kanaan ma nodak Hazor. Jaduong’ jolweny Jabin ne nyinge Sisera. Nodak Harosheth-hahagoim,

1 Samuel 13:5

Jo-Filistia nochokore mondo oked gi jo-Israel. Ne gin gi geche alufu piero adek, gi joidh farese alufu auchiel, kod ji mathoth ka kuoyo mae dhonam. Ne gidhi Mishmash, mi gijot kuno, yo wuokchieng’ mar Bethaven.

1 Samuel 29:2

Jodong jo-Filistia ne chano jogi e migepe matindo gi madongo, to Daudi gi joge, kaachiel gi jo-Akish, ne luwo bang’gi.

1 Samuel 6:16

Kane ruodhi abich mag jo-Filistia oseneno gima otimore, ne gidok Ekron mana chieng’ono.

1 Samuel 6:18

To oyieyo molos gi dhahabu ne mag miech jo-Filistia, mane ruodhi abichgo rito. Ne gin mier mochiel gi ohinga, kod ma ok ochiel. Kidi mang’ongo mane giketoe Sanduk mar Ruoth Nyasaye obedo ranyisi e puoth Joshua ja-Bethshemesh nyaka chil kawuono.

1 Samuel 6:4

To ne gimedo penjo niya, “En mich machal nadi monego wamiye?” Ne gidwoko niya, “Onego umiye gik moko abich mag dhahabu, maket gi buche mane okuodou, kaachiel gi oyieyo abich molos gi dhahabu, moromo kar kwan ruodhi mag jo-Filistia, nimar tho achiel ema nogoyou uduto, kaachiel gi ruodhi mau.