Jong’ad Bura 3:27 - MUMA MALER 2015

²⁷ Kane ochopo kuno, nogoyo tung’ e piny gode mag Efraim mondo ji oywor ni lweny. Eka notelo ni jo-Isarel, kendo ne gilor kode ka gia e piny godego.

Motingʼo Loko Manyien

²⁷ Kane ochopo kanyo, nogoyo turumbete e piny gode mag Efraim, kendo jo-Israel nolor kode piny koa e got, ka otelonegi.

Jong’ad Bura 3:27 ပူးပေါင်းရင်းမြစ်များ

2 Samuel 20:22

Eka dhakono nodhi ir jodalano duto, moloso kodgi gi rieko. Mi ne ging’ado wi Sheba wuod Bikri, kendo gidiro ni Joab. Omiyo Joab nogoyo tung’, kendo joge noweyo dalano, modok miechgi. To Joab nodok Jerusalem ir ruoth.

2 Ruodhi 9:13

Mi jogo duto nopedho lepgi aruya ewi raidhi, mondo Jehu obedie. Eka ne gigoyo tung’ ka gikok niya, “Jehu e ruoth!”

Nehemia 4:14

Eka narango piny kaka chalo, manyiso ruoth kod jotelo gi ji duto niya, “Kik uluorgi, to paruru Ruoth Nyasaye maduong’ kendo malich, kendo uked ni oweteu gi yawuotu gi nyiu gi mondu kod miechu.”

Joshua 17:15

Joshua nodwokogi niya, “Kusenya kamano, kendo uhingo piny gode mag Efraim, to koro dhiuru e bungu manie piny jo-Perizi gi jo-Refaim, mondo ubete obed lopu.”

Joshua 17:18

to piny gode bende nobed maru. “Kata otimo bungu kamano, to kaweuru, kendo ubete nyaka uchop e tong’. Adier, jo-Kanaan nigi geche lweny mag nyinyo, to pod unuriembgi ariemba.”

Jong’ad Bura 10:1

Bang’ Abimelek, Tola wuod Pua ma nyakwar Dodo nowuok mondo ores jo-Israel. Ne en ja-Isakar, ma nodak Shamir e piny gode mag Efraim.

Jong’ad Bura 17:1

Ne nitie ng’at moro ma nyinge Mika, ma nodak e piny gode mag Efraim.

Jong’ad Bura 19:1

E ndalo mane piny Israel pok obedo gi ruoth, ja-Lawi moro nodak mabor e chuny gode mag Efraim. Nokendo nyako moro ma nyar Bethlehem-Juda.

Jong’ad Bura 3:26

To Ehud noseringo e sa mane jogo pod ogalore ka girito e dhoot cha. Nokadho kar Kite Mopa, motony odhi Seira.

Jong’ad Bura 5:14

Jo-Efraim nobiro, moriedo ni lweny gi chir, ka giwacho niya, ‘Wan kodu, un jo-Benjamin! Oweteu ni ka!’ Jotend jolweny nobiro koa Makir, kaachiel gi jo-Zebulun ma nomako ludh jodong lweny.

Jong’ad Bura 6:34

Much Ruoth Nyasaye nobiro kuom Gideon, mi nogoyo tung’, koluongo joka Abiezer mondo oluwe.

Jong’ad Bura 7:24

Bende Gideon nooro joote e piny gode duto mag Efraim, mowacho ni jo kuno niya, “Loruru mondo uked gi jo-Midian. Geng’nigiuru kuonde duto minyalo ng’adogo aora Jordan nyaka Beth-bara.” Mi jo-Efraim noyworo ni lweny, kendo ne girito kuonde ming’adogo aora Jordan nyaka Beth-bara.

1 Samuel 13:3

Jonathan nonego jatend jolweny mag jo-Filistia mane ni Geba, mi jo-Filistia nowinjo ni jo-Hibrania oseng’anyo. Saulo nogoyo tung’ e piny Israel,