Jong’ad Bura 3:19 - MUMA MALER 2015

¹⁹ To en owuon nowichore kar Kite Mopa man Gilgal, modok ir ruoth, kendo owachone niya, “Ruoth, an kodi gi wach maling’ling’.” Eka Ruoth nowacho ni joge mondo owuog oko, owenigi thuolo.

Motingʼo Loko Manyien

¹⁹ Kane oneno gigo mopa man Gilgal ne olokore en owuon kendo owacho niya, “An kodi gi wach ma lingʼ-lingʼ, yaye ruoth.” Ruoth nowacho niya, “Lingʼ thi!” Kendo joge duto mantie noa moweye.

Jong’ad Bura 3:19 ပူးပေါင်းရင်းမြစ်များ

Chakruok 45:1

Josef koro ne ok nyal geng’o mirima mane en go e nyim joma ne pogogi chiemo, omiyo nokok niya, “Ng’ato ka ng’ato mondo owuogi.” Kamano koro ne onge ng’at moro machielo e sa mane ohuloree ni owetene.

2 Samuel 13:9

Eka nokawo nyalaro, motokoe e nyime, to Amnon nodagi chiemo. Nogolo chik ni mondo ji duto owuog oko, mi ne giwuok.

Zaburi 78:58

Ne giwang’o iye ka gilemo e hembko man kuonde moting’ore, kendo ne gimiyo nyiego omake, ka gilamo kido mag nyiseche manono.

Joshua 4:20

Kanyo Joshua nochungoe kite apar gariyo mane gigolo e aora Jordan.

Jong’ad Bura 3:18

Kane Ehud osetieko chulo osuru, nowacho ni joma noting’o osuru mondo odhi adhiya.

Jong’ad Bura 3:20

Noyudo Eglon obet e ode man ewi tado, mane ojabetie ka chieng’ kech. Ehud nosudo bute, mowachone niya, “Akeloni wach moa kuom Nyasaye.” Kane Eglon owinjo wachno, nochung’ e kome,