Jong’ad Bura 3:15 - MUMA MALER 2015

¹⁵ To kane jo-Israel oywak ni Ruoth Nyasaye mondo okonygi, Ruoth Nyasaye nomiyogi ng’ato moresogi. Ne en Ehud wuod Gera ja-Benjamin, mane ng’at ma racham. Chieng’ moro jo-Israel noore mondo odhi ochul osuchgi ni Eglon ruodh Moab.

Motingʼo Loko Manyien

¹⁵ Jo-Israel nochako oywak ne Jehova Nyasaye mi nomiyogi jakony, Ehud, wuod Gera ja-Benjamin, mane racham. Jo-Israel noore gi chudo ir Eglon ruodh Moab.

Jong’ad Bura 3:15 ပူးပေါင်းရင်းမြစ်များ

2 Samuel 20:10

To Amasa ne ok odewo ligangla mane ni e lwet Joab. Gikanyono Joab nochwowo bund iye dichiel mak onwoyo, mi jamb iye noo piny, motho. Eka Joab gi Abishai owadgi nomedo lawo Sheba wuod Bikri.

2 Samuel 20:9

Nomoso Amasa, kopenje niya, “In nadi, omera?” Eka nomako yie tik Amasa gi lwete ma korachwich mondo onyodhe.

1 Weche mag Ndalo 12:2

Ne ginyalo diro asere kata bayo orujre gi bat korachwich kata gi bat koracham. Ne gin jo-Benjamin, dhoodgi Saulo.

1 Weche mag Ndalo 8:3

Bela bende nonywolo yawuowi. Ne gin Adar gi Gera gi Abihud

1 Weche mag Ndalo 8:5

gi Gera gi Shefufan kod Huram.

2 Weche mag Ndalo 9:24

Higa ka higa, ng’ato ka ng’ato ne kelone chiwo mag gik molos gi fedha gi dhahabu kaachiel gi lewni kod gilweny gi gik mang’ue ng’ar gi farese kod nyumbu.

Zaburi 50:15

Luongauru e kinde ma unie chandruok, mi anaresu, kendo unumiya duong’.

Zaburi 78:34

To kane ochako negogi, joma odong’ nolokore odok ire, kendo olame matek.

Zaburi 90:15

Isemiyowa thagruok maduong’ kuom higni mang’eny, to koro miwa mor maduong’ maromre gi thagruok mane wabedogono.

Ngeche 18:16

Lwedo mabup ema yawo dhoot, kendo nyalo miyo ine kata mana ng’ama duong’.

Ngeche 19:6

Ng’ato ka ng’ato temo mondo joma dongo ohere, kendo ng’ato ka ng’ato wacho ni en osiep ng’ama bade lach.

Ngeche 21:14

Mich mochiw ling’ling’ ni ng’at mokecho, kueyo mirimbe.

Isaya 36:16

Kik uwinj wach Hezekia, nimar ruodh Asuria owacho niya, ‘Winjreuru koda, mondo ubi ira, mi ng’ato ka ng’ato kuomu nocham olemb mzabipe kod ng’ope, bende nomodh pi e sokone owuon,

Jeremia 33:3

In Jeremia awachoni niya, ‘Luonga, to abiro dwoki, kendo ananyisi gik madongo kendo malich ma ok ing’eyo.’

Jong’ad Bura 2:16

To Ruoth Nyasaye noketonigi jotelo moresogi e lwet joyekogo.

Jong’ad Bura 20:16

ma jo-orujre ma rachembe kendo ma josaba, ma nyalo goyo kata mana yie wich ma ok obayo.

Jong’ad Bura 3:14

Jo-Israel nobedo e bwo loch Eglon ruodh Moab kuom higni apar gaboro.

Jong’ad Bura 3:16

Ehud nothedho pand ligangla ma dhoge ariyo, to borne romo nus mita, mi notweye ei lawe e bathe ma korachwich.

Jong’ad Bura 3:9

To kane jo-Israel oywak ni Ruoth Nyasaye mondo okonygi, nomiyo ng’ato moresogi. Ne en Othniel wuod Kenaz ma owadgi Kaleb matin.

Jong’ad Bura 4:3

kendo ne en gi geche lweny mag nyinyo mia ochiko. Nothago jo-Israel malit kuom higni piero ariyo. Omiyo jo-Israel noywak ni Ruoth Nyasaye mondo okonygi.

1 Samuel 10:27

To jomoko ma acheje nowacho niya, “Ere kaka jali dikonywa?” Ne gichaye, mi ne ok gikelone mich.