Jong’ad Bura 3:10 - MUMA MALER 2015

¹⁰ Much Ruoth Nyasaye nobiro kuome, mi nobedo jatend jo-Israel. Nodhi kedo gi Kushan-rishathaim ma ruodh Mesopotamia, mi noloyo, nikech Ruoth Nyasaye nochiwo ruodhno e lwete.

Motingʼo Loko Manyien

¹⁰ Roho mar Jehova Nyasaye nobiro kuome, mi nobedo jangʼad bura mar jo-Israel kendo negidhi e lweny. Jehova Nyasaye nochiwo Kushan-Rishathaim ruodh Aram e lwet Othniel, mane oloye.

Jong’ad Bura 3:10 ပူးပေါင်းရင်းမြစ်များ

1 Weche mag Ndalo 12:18

Eka Roho nolor kuom Amasai, jatend thuondi piero adek kande mowacho niya, “Wan kodi Daudi! Wan jogi, wuod Jesse. Wamosi! Wamosi! Wamoso Jakonyni bende! En Nyasachi makonyi.” Eka Daudi norwakogi, moketogi kuom joge mag lweny.

2 Weche mag Ndalo 15:1

Roho mar Nyasaye nobiro kuom Azaria wuod Oded,

2 Weche mag Ndalo 20:14

Eka Roho mar Ruoth Nyasaye nolor kuom Jahazia ja-Lawi, mane nie dier chokruok. Ne en wuod Zekaria, ma wuod Benaya, ma wuod Jeyel, ma wuod Matania, ma achiel kuom nyikwa Asaf.

Zaburi 51:11

Kik iriemba e wang’i, bende kik imaya Roho mari maler.

Kwan 11:17

Abiro lor mondo awuo kodi, kendo abiro kawo kuomi teko moko mane amiyi, mondo ami jogo okonyi rito oganda, mi ting’no ok noturi.

Kwan 11:25

Eka Ruoth Nyasaye nolor e bor polo mowuoyo kode, kendo okawo kuome teko moko mane osemiye, mi omiyo jodongo piero abiriyogo, kendo kane Roho osedonjo kuomgi ne gidhumore. To bang’ mano ne ok gidhumore kendo.

Kwan 11:29

Mad jo-Ruoth Nyasaye duto dok jonabi, kendo Ruoth Nyasaye migi teko mar Roho!”

Kwan 24:2

kendo kane ong’icho, noneno jo-Israel koguro kambigi kochanore e dhoutgi. Eka teko mar Nyasaye nobiro kuome,

Kwan 27:18

Ruoth Nyasaye nodwoko Musa niya, “Kaw Joshua wuod Nun, ng’at ma teko ni kuome, mondo iket lweti kuome,

Jo-Hibrania 6:4

Joma yande ler oserieny e chunygi, mi obilo mich mar polo, kendo opognigi Roho Maler,

Jong’ad Bura 11:29

Much Ruoth Nyasaye nobiro kuom Jeftha, mi nowuotho e Gilead gi Manase, moduogo nyaka Mizpa e Gilead. Koa kanyo nodhi mondo omonj jo-Amon.

Jong’ad Bura 11:32

Kamano Jeftha nong’ado aora mondo odhi oked gi jo-Amon, mi Ruoth Nyasaye nochiwogi e lwete.

Jong’ad Bura 13:25

kendo Roho mar Ruoth Nyasaye nochako tiyo kode.

Jong’ad Bura 14:19

Eka Much Ruoth Nyasaye nolor kuom Samson gi teko, mi nodhi Ashkelon. Nonego ji piero adek kuno, mogonyo lepgi. Eka nokelo lewnigo momiyo joma ne ohulo tiend ngerono. Bang’e nodok dala, kokecho ahinya.

Jong’ad Bura 14:6

To much Ruoth Nyasaye nolor kuom Samson ka diemo wang’ mi noyiecho sibuor gi lwete, mokidho matindotindo, mana ka ng’ama yiecho nyadiel, nikech ne en gi lwete nono. To ne ok onyiso jonywolne gima nosetimono.

Jong’ad Bura 15:14

Kane Samson ochopo Lehi, jo-Filistia nogoyo koko gi mor, kadhi ire. To Much Ruoth Nyasaye nobiro kuome gi teko, mochodo tonde mane oyudo otuego bedene, mana ka gima ne gin omimi ma much mach ogoyo.

Jong’ad Bura 3:11

Omiyo piny Israel nobet gi kue kuom higni piero ang’wen. Bang’e Othniel wuod Kenaz notho.

Jong’ad Bura 3:8

Kuom mano, Ruoth Nyasaye nokecho kodgi, mochiwogi e lwet Kushan-rishathaim ruodh Mesopotamia, mi gibedo e bwo lochne kuom higni aboro.

Jong’ad Bura 6:34

Much Ruoth Nyasaye nobiro kuom Gideon, mi nogoyo tung’, koluongo joka Abiezer mondo oluwe.

1 Samuel 10:10

Kane gichopo Gibea, oganda jonabi noromo kode, kendo much Nyasaye nobiro kuome gi teko, mi en bende nodhumore kodgi.

1 Samuel 10:6

Much Ruoth Nyasaye nobi kuomi gi teko, mi inidhumri kaachiel kodgi, kendo inilokri ng’at moro machielo.

1 Samuel 11:6

Kane Saulo owinjo wachno, Much Nyasaye nobiro kuome gi teko, kendo mirima nomake ahinya.

1 Samuel 16:13

Omiyo Samuel nokawo mo, mowirogo Daudi e nyim owetene, mi Roho mar Nyasaye nobiro kuom Daudi gi teko, mobedo kode chakre chieng’no. Bang’e Samuel nowuok, modok Rama.