Jong’ad Bura 3:1 - MUMA MALER 2015

¹ Ruoth Nyasaye noweyo ogendini moko mondo otemgo jo-Israel mane ok okedo e ndalo mane gikawo piny Kanaan.

Motingʼo Loko Manyien

¹ Magi e oganda mane Jehova Nyasaye oweyo mondo otem jo-Israel duto mane ok osekalo e lweny moro amora e piny Kanaan.

Jong’ad Bura 3:1 ပူးပေါင်းရင်းမြစ်များ

1 Ruodhi 9:21

Solomon noloko wasumbni mochuno mondo oti gi thwon, kaka obet nyaka chil kawuono. Ne gin joma notamo jo-Israel tieko chuth.

2 Weche mag Ndalo 32:31

Kamano bende e kaka notieko wach joote jodong Babulon, mane oor ire mondo onon tiend hono ma nosetimore e pinye. Chutho Nyasaye noweye kende e wachno, to mana ni mondo oteme, kendo mondo ong’ego gima nie chunye.

Ayub 23:10

To kata kamano, ong’eyo gimoro amora ma atimo, kendo ka oranga, to obiro yudo ka aler.

Wuok 15:25

Musa nolamo Ruoth Nyasaye gi chunye duto, mi Ruoth Nyasaye nonyise osiki moro. Nokawe, mobole e pi, mi pi nodoko mamit. Kanyo ema Ruoth Nyasaye nomiyogie chik mogurore, kendo kanyo ema notemogie.

Ngeche 17:3

Dhahabu gi fedha itemo gi mach. Chuny dhano to Ruoth Nyasaye ema temoo.

Jeremia 6:27

“In Jeremia, aseketi japim joga. Pimgi, eka mondo ifweny timbegi.

Zekaria 13:9

Bang’e anaket achiel kuom adek nogono e mach mondo opwodhgi maler mana kaka ipwodho fedha. Adier, natemgi mana kaka itemo dhahabu. Bang’e ginilama, mi anadwok kwayogi, an awuon. Anawachnigi ni gin joga. Gin to giniwach ni an Nyasachgi.”

Johana 2:24

Yesu to ne ok oketore e luetgi, nikech nong’eyo kit dhano kaka chal.

Rapar mar Chik 7:22

Obiro riembonu ogendinigo matintin nyaka girum. Ok unutiekgi dichiel, nimar dipo ka ondiegi onywolore mang’eny, mothagou.

Rapar mar Chik 8:16

bende nomiyou manna mane kwereu pok ong’eyo mondo ucham e thim. Notimo kamano mondo odwokugo piny, kotemou, eka bang’e ogwedhu.

Rapar mar Chik 8:2

Paruru wuoth mabor mane Ruoth Nyasaye ma Nyasachu otelonue kuom higni piero ang’wen ka un e thim. Nodwokou piny kotemougo, mondo ong’e ane ka unyalo rito chikene adier.

1 Petro 1:7

Gik makamago timore mondo otemugo one ane ka un gi yie maradier. Kata mana dhahabu ma nyalo kethore bende itemo gi mach. Omiyo yie maru, ma nengone tek moloyo dhahabu, nyaka tem mondo ong’ego ka en yie maradier. Eka nuyud pak gi duong’ kod luor, chieng’ ma Yesu Kristo ofwenyore.

1 Petro 4:12

Osiepena, ka uyudo tem mager mawang’ou ka mach, to kik ubuogi, ka gima ok ung’eyo ni gik ma kamago nyaka timrenu, nikech mano timore mana ni mondo otemugo.

Fweny 2:23

Nyithinde bende abiro nego, eka kanyakla duto mag jo-Kristo nong’e ni an ema ang’eyo chuny ji gi parogi, kendo ni amiyo ng’ato ka ng’ato kuomu pok mowinjore gi timne.

Jong’ad Bura 1:1

Bang’ tho Joshua, jo-Israel nopenjo Ruoth Nyasaye wach niya, “Ere dhoot monego kuong dhi monjo jo-Kanaan?”

Jong’ad Bura 2:10

Tieng’no duto notho, moluwo kweregi, kendo tieng’ machielo mane ok ong’eyo Ruoth Nyasaye, kata gik mane osetimo ni jo-Israel, noluwo bang’gi.

Jong’ad Bura 2:23

Kamano Ruoth Nyasaye noweyo ogendinigo, kendo ne ok odewo riembogi, kata chiwogi e lwet Joshua.

Jong’ad Bura 3:2

Notimo kamano ni mondo tienge jo-Isarel mabiro, kod joma ne pok opuonjore kaka ikedo, ong’e lweny.