Jong’ad Bura 21:6 - MUMA MALER 2015

⁶ Ne gikuyo, ka giparo owetegi ma jo-Benjamin, mi giwacho niya, “Kawuono dhood Israel achiel oselal.

Motingʼo Loko Manyien

⁶ Koro jo-Israel ne nigi kuyo nikech owetegi, ma jo-Benjamin. Negiwacho niya, “Kawuononi dhood Israel achiel olal.

Jong’ad Bura 21:6 ပူးပေါင်းရင်းမြစ်များ

2 Samuel 2:26

To Abner nokok ni Joab, kawacho niya, “Ji biro negore nyaka chieng’ koso? Donge ing’eyo ni giko wachni biro bedo marach moloyo? Nyaka karang’o ma ibiro siko kikwero jogi mondo owe lawo jowetegi?”

Hosea 11:8

“To ere kaka daweu, un jo-Israel? Koso ere kaka dajwang’u? Bende datieku adier, kaka ne atieko jo-Adma? Koso anyalo timonu kaka ne atimo ni jo-Zeboim? Ooyo, ok anyal timonu kamano, nikech aherou ahinya.

Jong’ad Bura 11:35

Kane onene, noyiecho lepe, koywak, mowacho niya, “Yaye nyathina! Ichodo chunya! Ang’o momiyo in ema ikelona chandruokni? Asekuong’ora ni Ruoth Nyasaye kendo ok anyal lokora!”

Jong’ad Bura 21:15

Chuny jo-Israel ne pod ywago jo-Benjamin, nikech Ruoth Nyasaye nosemiyo nying jomoko olal kuom dhout Israel.

Jong’ad Bura 21:5

Ne gipenjore kendgi ka nitie jomoko kuom dhout Israel mane ok obiro e chokruok mar Ruoth Nyasaye, nikech ne gisekuong’ore matek ni nyaka neg ng’ato ang’ata mane ok obiro Mizpa e nyim Ruoth Nyasaye.

Jong’ad Bura 21:7

Ere gima dwatim mondo wayud mon ni jo dhoodno modong’ nikech ne wakuong’ore e nyim Nyasaye ni ok wayie mondo gikend nyiwa.”