Jong’ad Bura 21:1 - MUMA MALER 2015

¹ Kane jo-Israel ni Mizpa, ne gisekuong’ore ni onge ng’ato kuomgi ma noyie mondo ja-Benjamin okend nyare.

Motingʼo Loko Manyien

¹ Jo-Israel nosekwongʼore e piny Mizpa niya, “Onge kata achiel kuomwa mabiro chiwo nyare mondo okendi gi ja-Benjamin.”

Jong’ad Bura 21:1 ပူးပေါင်းရင်းမြစ်များ

Eklesiastes 5:2

Par maber ka pok iwuoyo, kendo kik irikni ka isingori ni Nyasaye. Nyasaye nie polo, to in inie piny, omiyo kik iwuo mathoth moloyo kaka owinjore.

Jeremia 4:2

Ka ukuong’oru gi nying Ruoth Nyasaye gi adiera gi bura makare kendo gi tim malong’o, to ogendini biro kwaya mondo gin bende aguedhgi kaka aseguedhou, kendo gibiro miya duong’.

Jeremia 40:6

Kamano Jeremia nodhi Mizpa, mobet gi Gedalia, kaachiel gi joma noyudo odong’ piny Juda.

Mariko 6:23

Eka nokwong’ore niya, “Adier akuong’ora ni namiyi gik moko duto mikwaya, kata bed mana ni en bath pinya konchiel!”

Tich Joote 23:12

Kinyne gokinyi, jo-Yahudi moko nochokore kaachiel mochano gima onego gitim. Ne gikuong’ore ni ok ginyal chiemo kata madho gimoro kapok ginego Paulo.

Jo-Rumi 10:2

Ayie ni giketo chunygi kuom tiyo ni Nyasaye, to gikia yo ma onego gitinego,

Jong’ad Bura 20:1

Jo-Israel duto, chakre Dan nyaka Beer-sheba, kaachiel gi Gilead, noyworo ni lweny, mochokore Mizpa e nyim Ruoth Nyasaye maonge ng’at modong’.

Jong’ad Bura 20:10

To achiel kuom apar mar jo-Israel duto biro choko chiemo kuom ji ni joma kedo. Jomoko duto modong’ biro dhi chulo kuor ni jo-Gibea kuom tim marach kendo makuero ma gisetimo e Israel.”

Jong’ad Bura 20:48

Jo-Israel noduogo chien momonjo jo-Benjamin ma nodong’, mi ginego ji gi jamni mane nie miechgi, kod gik moko duto mane ginwang’o, kendo mier duto mane gidhiye, ne giwang’o gi mach.

Jong’ad Bura 20:8

Mi ji duto nochung’ rat, mowacho niya, “Onge kata ng’ato achiel kuomwa ma biro dok e hembe kata ode.

Jong’ad Bura 21:18

to ok wanyal yienigi mondo gikend nyiwa, nikech wasekuong’ore ni nokuong’ ng’at momiyo ja-Benjamiin nyare okendo.”

Jong’ad Bura 21:22

Ka wuonegi kata owetegi obiro iru mondo ogolgi, to unyalo wachonigi niya, ‘Yieuru wakendgi, nikech ne ok wamayougi e lweny mondo gibed mondewa. To bende ne ok umiyowagi, omiyo pok uketho singruok ma dikelnu bura!’ ”

Jong’ad Bura 21:5

Ne gipenjore kendgi ka nitie jomoko kuom dhout Israel mane ok obiro e chokruok mar Ruoth Nyasaye, nikech ne gisekuong’ore matek ni nyaka neg ng’ato ang’ata mane ok obiro Mizpa e nyim Ruoth Nyasaye.

Jong’ad Bura 21:7

Ere gima dwatim mondo wayud mon ni jo dhoodno modong’ nikech ne wakuong’ore e nyim Nyasaye ni ok wayie mondo gikend nyiwa.”

1 Samuel 14:24

Jo-Israel nool ahinya chieng’no nikech Saulo nosekwerogi niya, “Okuong’ jalo mochamo gimoro kapok piny oyuso, kendo kapok atieko chulo kuor kuom wasikwa.” Kamano ne onge ng’ato kuomgi mane obilo gimoro.