Jong’ad Bura 20:5 - MUMA MALER 2015

⁵ To jo-dalano nobiro mondo omonja gotienono, mi gilworo ot mane antie, ka gidwaro nega. Eka ne ginindo gi chiega gi thwon, motho.

Motingʼo Loko Manyien

⁵ E otienono chwo ma Gibea noluwo bangʼa ma gilworo ot, ka gin giparo mar nega. Negiterore gi chiega githuon, mi otho.

Jong’ad Bura 20:5 ပူးပေါင်းရင်းမြစ်များ

Tim jo-Lawi 18:24

Kik udwanyru kutimo timbe ma kamago nikech timbego ema nomiyo ogendini ma abiro riembo mondo owenu thuologi odoko joma odwanyore.

Rapar mar Chik 22:21

to nyaka tere e dhood wuon mare, kendo jodalagi nogoye gi kite nyaka otho nimar osekelo wichkuot e piny Israel kochodo ka pod en e dala wuon. Mano e kaka unupwodhru kuom richo ma kamano.

Rapar mar Chik 22:24

to nyaka ukelgi giduto e dhoranga dala, mi ugogi gi kite nyaka githo. Nyaka neg nyakono nikech kata obedo ni ne en e dala kamano, to ne ok ogoyo uwi mondo okonye. Ng’atno to nyaka neg kuom kuodo wi chi wadgi. Mano e kaka unupwodh ogandau kuom richo ma kamano.

Joshua 7:15

Eka anywola ma Ruoth Nyasaye okwanyo nowuog oko ng’ato ka ng’ato. To ng’at ma ombulu nonyis ni nokawo gik mokwer, nowang’ gi joge kaachiel gi mwandune duto, nikech osetimo gima nono, kendo oseketho chik mane Ruoth Nyasaye omiyo joge Israel.”

Jong’ad Bura 19:22

Eka sa mane gichiemono, ne gipo ka jodalano moko ma acheje obiro, molworo ot ka goyo dhoot, kendo wacho ni jaduong’ ma wuon ot niya, “Golnwa ng’at mane obiro kodi cha mondo waterrego.”

Jong’ad Bura 19:28

Nowachone niya, “Chungi, mondo wadhi.” To ne ok odwoke. Omiyo nokawo ringre chiege moriwo e kanje, kendo nochako wuoth.

Jong’ad Bura 20:4

Ja-Lawi mane oneg chiege cha nodwoko niya, “Noyudo wan e wuoth gi chiega, mi ne wabuoro Gibea e piny Benjamin.