Jong’ad Bura 20:31 - MUMA MALER 2015

³¹ Jo-Benjamin nowuok mondo orad kodgi, mi giyware mabor gi dala. Ne gichako nego jo-Israel kaka ne gisetimo mokwongo. Ne ginego ji moromo piero adek e pap, moko e yo madhi Bethel, to moko e yo madhi Gibea.

Motingʼo Loko Manyien

³¹ Kane jo-Benjamin nowuok mondo orom kodgi negiywayogi mabor gi dala maduongʼ. Negichako nego jo-Israel mana kaka negisetimo mokwongo, omiyo ji piero adek notho e pap kod e yore; ma achiel dhi Bethel, machielo to dhi Gibea.

Jong’ad Bura 20:31 ပူးပေါင်းရင်းမြစ်များ

Isaya 10:29

gisebiro gi yo maluwo Maabara, mi gibworo Geba. Jo-Rama kibaji goyo, kendo jo-Geba, dala Saulo, kihondko omako.

Joshua 7:5

kendo nonego ji alufu piero adek gauchiel kuomgi. Jo-Ai nolawogi chakre rangagi nyaka Shebarim, monegogi kama yo ridoree. Gikanyono chir mane jo-Israel nigo nolalnigi ka yamo.

Joshua 8:17

Onge ng’ato kata achiel ma nodong’ e Ai, nikech ne gisewuok giduto mondo gilaw jo-Israel. Kuom mano ne giweyo dala nono.

Jong’ad Bura 20:30

Chieng’ mar adek, jo-Israel nodhi kedo gi jo-Benjamin, kendo ne giriedo jolwenjgi Gibea, mana kaka ne gisetimo mokwongo.

Jong’ad Bura 20:32

Jo-Benjamin ne paro ni gibiro loyo jo-Israel mana kaka pile, to kata kamano jo-Israel nosechano mondo oyondhgi giwuog oko e wang’ yore madongo.