Jong’ad Bura 20:26 - MUMA MALER 2015

²⁶ Eka jo-Israel duto nodok Bethel, mi gibet kuno e nyim Ruoth Nyasaye, ka gilemo kendo giriyo kech nyaka odhiambo. Ne gitimo ni Ruoth Nyasaye misengni miwang’o pep, kod misengni mag sawo.

Motingʼo Loko Manyien

²⁶ Eka jo-Israel duto nodok Bethel, kendo negibet piny kanyo ka giywak e nyim Jehova Nyasaye. Ne giriyo kech ka gilemo chakre okinyi nyaka odhiambo kendo negichiwo misengini miwangʼo pep kod misengini mar lalruok ne Jehova Nyasaye.

Jong’ad Bura 20:26 ပူးပေါင်းရင်းမြစ်များ

Ezra 8:21

Bang’ mano nagolo chik mondo wari kech e dho aora Ahava kanyo, ka wabolore e nyim Ruoth Nyasaye ma Nyasachwa, kendo wakwaye mondo oritwa gi nyithindwa kod giwa duto e wuodhwa.

Jong’ad Bura 20:18

Jo-Israel nowuok modhi Bethel, mi gipenjo Nyasaye wach niya, “Ere dhoot monego kuong dhi monjo jo-Benjamin?” Ruoth Nyasaye nodwoko ni, “Dhood Juda ema mondo okuong monjogi.”

Joel 1:14

Gouru milome mondo ji ori kech, kendo luonguru chokruok mar lemo. Un jodongo, chokuru jo-Juda duto e Od Ruoth Nyasaye mondo oywagne!

2 Weche mag Ndalo 20:3

Luoro nomako Jehoshafat, moketo chunye ni kwayo Ruoth Nyasaye, kendo nochiko jo-Juda duto mondo otue chiemo.

1 Samuel 7:6

Mi ne gichokore kanyakla Mizpa. Ne giumbo pi, mi giolo piny e nyim Ruoth Nyasaye, kendo ne gitueyo chiemo chieng’no, ka giwacho niya, “Waseketho e nyim Ruoth Nyasaye.” (Mizpa ema ne Samuel ng’adoe buche mag jo-Israel.)

Jong’ad Bura 20:25

Jo-Benjamin nowuok Gibea. Mi chieng’no ne ginego ji alufu apar gaboro, ma duto ne gin jolweny marateke.

Jong’ad Bura 21:2

Koro ne gibiro Bethel, mi gibet kanyo e nyim Ruoth Nyasaye nyaka odhiambo ka giywak matek.

1 Samuel 11:4

Kane jootego obiro Gibea, dalagi Saulo, ne ginyiso ji wachno, mi ji duto nochako ywak.

Jeremia 36:9

E due mar ochiko, higa mar abich, mar loch Jehoyakim wuod Josia ruodh Juda, jo-Jerusalem duto kaachiel gi ji mane oa e miech Juda ne oriyo kech mondo Ruoth Nyasaye okechgi.

Chakruok 28:19

Nochako nying kanyo ni Bethel (tiende ni od Nyasaye.) To e kinde mokwongo dalano niluongo ni Huz.

Joshua 7:6

Joshua gi jodong Israel noyiecho lepgi, kendo noolo buru e wigi. Ne giriere piny auma e nyim Sanduk mar Ruoth Nyasaye, mi giriyo kanyo nyaka odhiambo.

Joshua 24:1

Joshua nochoko dhout jo-Israel duto Shekem, noluongo jodongo gi jotelo mag Israel, mi ne gisudo e nyim Ruoth Nyasaye.

Jong’ad Bura 21:4

Kinyne gokinyi, ji nochiew chon, mogero kendo-mar-misango kanyo, mi gitimoe misengni miwang’o pep kod misengni mag sawo.

2 Samuel 3:35

Ne gihoyo Daudi mondo ochiem, to piny ne pod odiechieng’, omiyo Daudi nokuong’ore, kawacho niya, “Nyasaye mondo okweda, kapo ni achiemo, kata abilo gimoro ka pok chieng’ opodho.”