Jong’ad Bura 2:5 - MUMA MALER 2015

⁵ Omiyo nochak kanyo ni Bokim, (tiende ni, joywak). Jo-Israel notimo ni Ruoth Nyasaye misengni kanyo.

Motingʼo Loko Manyien

⁵ kendo negiluongo kanyo ni Bokim. Kanyo ne gichiwoe misengini ne Jehova Nyasaye.

Jong’ad Bura 2:5 ပူးပေါင်းရင်းမြစ်များ

Chakruok 35:8

Debora mane opiro Rebeka notho, mi noyike e tiend yath manie tik got Bethel. Omiyo Jakobo nochako yedhno ni Alon-bakuth (tiende ni yath miywakie).

Joshua 7:26

Ne gidhuro kuome kite mogundho, ma pod ni kanyo nyaka chil kawuono. Mano emomiyo pod iluongo kanyo ni Holo mar Akor, (tiende ni, holo mar masira). Eka bang’e mirimb Ruoth Nyasaye norumo.

Jong’ad Bura 13:19

Omiyo Manoa nokawo nyadiel kod mogo, mi notimogo misango ewi lwanda ni Ruoth Nyasaye ma timbene odhiero ji ng’eyo.

Jong’ad Bura 2:1

Malaika mar Ruoth Nyasaye noa Gilgal, modhi Bokim. Nowacho ni jo-Israel niya, “Ne agolou e piny Misri, mi akelou e piny mane asingora ni nami kwereu. Ne awacho ni ok naketh singruokna kodu.

Jong’ad Bura 2:4

Kane malaika mar Ruoth Nyasaye osewacho ni jo-Israel wechego, ne giywak malit giduto.

Jong’ad Bura 2:6

Joshua nomiyo jo-Israel thuolo mi ne gidhi mi gidak e pinyno, ng’ato ka ng’ato e lowo mopogne.

Jong’ad Bura 6:24

Bang’ mano, Gideon nogero ni Ruoth Nyasaye kendo-mar-misango kanyo, mochako ni, ‘Jehova Shalom’, (tiende ni, Ruoth Nyasaye en kue.) Kendono pod ni Ofra kuno e piny jo-Abieze, nyaka chil kawuono.

1 Samuel 7:9

Omiyo Samuel nokawo nyarombo madhoth, mochiwo ni Ruoth Nyasaye ka misango miwang’o pep. Eka nokwayo Ruoth Nyasaye mondo ores jo-Israel, mi Ruoth Nyasaye nowinjo kwayone, modwoke.