Jong’ad Bura 2:4 - MUMA MALER 2015

⁴ Kane malaika mar Ruoth Nyasaye osewacho ni jo-Israel wechego, ne giywak malit giduto.

Motingʼo Loko Manyien

⁴ Kane malaika mar Jehova Nyasaye nosewacho wechegi ne jo-Israel duto, ji noywak matek,

Jong’ad Bura 2:4 ပူးပေါင်းရင်းမြစ်များ

Ezra 10:1

Kane Ezra lemo kendo hulo richo, koriere piny kendo oywak e nyim Od Nyasaye, oganda jo-Israel maduong’ nobiro molwore. Ne gin chwo gi mon kod nyithindo, kendo giduto ne giywak malit.

Ngeche 17:10

Kikwero ng’at mariek dichiel kende, to opuonjore maber, moloyo ng’at mofuwo migoyo ndalo mia achiel, eka winj gimoro.

Jeremia 31:9

Joga noduog kaywak, to anakue chunygi ka atelonigi e yo. Anatergi e aore mabeyo mamol, kendo ok ginichwanyre nimar giniwuoth e yo maber. An wuon jo-Israel, kendo Efraim e wuoda makayo.

Joel 2:12

Ruoth Nyasaye owacho niya, “To kata mana sani, lokreuru gi chunyu duto, mondo uduog ira kuriyo kech, kendo kuywak kendo kukuyo.

Zekaria 12:10

Anami joka Daudi gi jo-Jerusalem chuny mang’won, kendo mohero lemo. Eka bange giniteg wang’gi kuom jal mane gichwowo, mi otho, kendo giniywage mana ka joma ywago nyathi ma miderma. Adier, giniywag malit mana ka joma ywago wuodgi makayo.

Luka 6:21

“Un johawi, un joma kech kayo ndalogi, nikech unuyieng’! “Un joma ywak ndalogi, un johawi, nikech ununyier!

Luka 7:38

mi obiro mochung’ ka dieng’e Yesu, but tiende. Noywak, kendo pi wang’e nolwoko tiend Yesu. Eka noyweyo tiend Yesu gi yie wiye, mi onyodho, kendo owiro gi mo mang’ue ng’arno.

2 Jo-Korintho 7:10

Kuyo ma ng’ato bedogo e yo ma Nyasaye dwaro, miyo olokore, kendo kelone warruok maonge ywago ang’e. Kuyo mar piny to kelo tho.

Jakobo 4:9

Koro ma e kinde ma onego ubedie gi kuyo, kuywak kendo ugoyo nduru. Ber mondo nyiero munyierogo olokre ywak, kendo mor ma un-go olokre kuyo.

Jong’ad Bura 2:3

Mano emomiyo nawacho ni ok nariemb ogendnigo mondo owenu thuolo, to ginithagu kendo nyisechegi nobednu obadho.”

Jong’ad Bura 2:5

Omiyo nochak kanyo ni Bokim, (tiende ni, joywak). Jo-Israel notimo ni Ruoth Nyasaye misengni kanyo.

1 Samuel 11:4

Kane jootego obiro Gibea, dalagi Saulo, ne ginyiso ji wachno, mi ji duto nochako ywak.

1 Samuel 7:6

Mi ne gichokore kanyakla Mizpa. Ne giumbo pi, mi giolo piny e nyim Ruoth Nyasaye, kendo ne gitueyo chiemo chieng’no, ka giwacho niya, “Waseketho e nyim Ruoth Nyasaye.” (Mizpa ema ne Samuel ng’adoe buche mag jo-Israel.)