Jong’ad Bura 2:3 - MUMA MALER 2015

³ Mano emomiyo nawacho ni ok nariemb ogendnigo mondo owenu thuolo, to ginithagu kendo nyisechegi nobednu obadho.”

Motingʼo Loko Manyien

³ Emomiyo koro anyisou ni ok anariembgi oko e nyimu; ginibed kuthe e ringreu kendo nyisechegi nobed tembe ne un.”

Jong’ad Bura 2:3 ပူးပေါင်းရင်းမြစ်များ

Zaburi 106:36

Kuom mano jo-Nyasaye nolamo kido mag nyiseche manono, mi mano nolokorenigi obadho.

Wuok 23:33

kik uwe gidag e pinyu nimar dipo ka gimiyo uketho e nyima mi ulamo nyisechegi. Mano dilokrenu obadho.”

Wuok 34:12

Ritreuru mondo une ni ok utimo winjruok moro gi jopiny mudhiyeno, nono to gilokorenu obadho.

Kwan 33:55

To ka ok uriembo joma odak e pinyno mondo owenu thuolo, to joma uweyogo nobednu kaka pedo mandhodho wang’u, kendo ka kudho machwowo dendu. Ginibed ka gilaro kodu piny mudakieno,

Rapar mar Chik 7:16

Tiekuru ji duto ma Ruoth Nyasaye ma Nyasachu biro chiwo e lwetu. Kik uwegi, to bende kik ulam nyisechegi, nikech kutimo kamano, to mano dibednu obadho.

Joshua 23:13

to Ruoth Nyasaye ma Nyasachu ok noriembnugi kendo. Ginibednu mana kaka obadho mochiknu, kata bur mokunynu, kendo ginibednu malit ka del michwadogo otengau, kata ka kuthe ma tucho wengeu. Mano notimrenu nyaka uduto karu lal chuth e piny maber ma Ruoth Nyasaye osemiyouni.

Jong’ad Bura 2:21

Omiyo koro ok nariemb kata ng’at achiel kuom ogendini duto mane Joshua oweyo bang’ thone.

Jong’ad Bura 2:4

Kane malaika mar Ruoth Nyasaye osewacho ni jo-Israel wechego, ne giywak malit giduto.

Jong’ad Bura 3:6

Ne ginywomo nyi jogo, to nyigi bende ne gimiyo yawuot jogo, kendo ne gilamo nyisechegi.

Jong’ad Bura 8:27

Gideon noloso kido mar nyasaye manono gi dhahabugo, mochungo e dalane Ofra. Jo-Israel duto noweyo Nyasaye modhi kuno lamo nyasaye manonono. Ne odoko obadho ni Gideon kaachiel gi joode.