Jong’ad Bura 2:21 - MUMA MALER 2015

²¹ Omiyo koro ok nariemb kata ng’at achiel kuom ogendini duto mane Joshua oweyo bang’ thone.

Motingʼo Loko Manyien

²¹ ok anariemb oganda mane Joshua otho oweyo mondo oa e nyimgi.

Jong’ad Bura 2:21 ပူးပေါင်းရင်းမြစ်များ

Ezekiel 20:24

Ne akuong’ora kamano nikech ne gisedagi chikena kendo ne giketho buchena, mi ne ok girito ndalo mag Sabatona, bende ne gilamo nyiseche manono mag kweregi.

Joshua 23:13

to Ruoth Nyasaye ma Nyasachu ok noriembnugi kendo. Ginibednu mana kaka obadho mochiknu, kata bur mokunynu, kendo ginibednu malit ka del michwadogo otengau, kata ka kuthe ma tucho wengeu. Mano notimrenu nyaka uduto karu lal chuth e piny maber ma Ruoth Nyasaye osemiyouni.

Joshua 23:4

Omiyo winjuru! Asepogo ni dhoutu piny ogendini ma aseriembo kaachiel gi piny jogo ma pod odong’, chakre aora Jordan yo wuok chieng’, nyaka Nam Maditerenia man yo podho chieng’.

Joshua 23:5

Ruoth Nyasaye ma Nyasachu noriembnugi, mi unukaw pinygi kaka osesingorenu.

Jong’ad Bura 1:1

Bang’ tho Joshua, jo-Israel nopenjo Ruoth Nyasaye wach niya, “Ere dhoot monego kuong dhi monjo jo-Kanaan?”

Jong’ad Bura 2:3

Mano emomiyo nawacho ni ok nariemb ogendnigo mondo owenu thuolo, to ginithagu kendo nyisechegi nobednu obadho.”

Jong’ad Bura 3:1

Ruoth Nyasaye noweyo ogendini moko mondo otemgo jo-Israel mane ok okedo e ndalo mane gikawo piny Kanaan.

Jong’ad Bura 3:3

Ogendinigo e magi: ruodhi abich mag jo-Filistia gi jo-Kanaan duto, gi jo-Sidon kod jo-Hivi mane odak Lebanon, chakre god Baal-hermon nyaka kama idonjogo Hamath.