Jong’ad Bura 2:18 - MUMA MALER 2015

¹⁸ Kinde ka kinde mane Ruoth Nyasaye oketoe ni jo-Israel jatelo, nokonyo jatelono, kendo norito jo-Israel e lwet wasikgi kuom ndalo duto mane jatelono pod ngima. Ruoth Nyasaye ne kecho jo-Israel nikech ne giywak ka wasikgi sandogi kendo thirogi.

Motingʼo Loko Manyien

¹⁸ Kinde ka kinde ma Jehova Nyasaye nokelonegi jangʼad bura, nokonyo jangʼad burano kendo noresogi e lwet wasikgi ndalo duto mane jangʼad burano pod ngima; nimar Jehova Nyasaye ne kechogi nikech wasikgi ne thirogi kendo hinyogi malit.

Jong’ad Bura 2:18 ပူးပေါင်းရင်းမြစ်များ

Chakruok 6:6

noparo ni kara ne ok owinjore ochue dhano, kendo kete e piny. Omiyo chunye nodoko malit ahinya,

2 Ruodhi 13:4

To Jehoahaz nosayo Ruoth Nyasaye, mi Ruoth Nyasaye nowinje, nikech noneno kaka ruodh Aram sando jo-Israel.

Zaburi 12:5

To Ruoth Nyasaye wacho niya, “Koro abiro biro nikech ithiro jochan, kendo joma isando chur malit nikech rem. Abiro miyogi kue ma gigombo.”

Zaburi 90:13

Biro bet kinde marom nadi ka pok chunyi olendo, A Ruoth Nyasaye? Yie ikechwa, wan jotichni.

Wuok 2:24

kendo nowinjo ng’urgi, mi noparo singruok mane otimo gi Ibrahim gi Isaka kod Jakobo.

Wuok 3:12

Nyasaye nodwoke niya, “Anabed kodi, kendo kisegolo ji Misri, to unulama e godni. Mano nobed ranyisi ni an ema aseori.”

Wuok 32:14

Omiyo Ruoth Nyasaye noloko parone, mi koro ne ok okelo ni joge masira mane osewacho.

Hosea 11:8

“To ere kaka daweu, un jo-Israel? Koso ere kaka dajwang’u? Bende datieku adier, kaka ne atieko jo-Adma? Koso anyalo timonu kaka ne atimo ni jo-Zeboim? Ooyo, ok anyal timonu kamano, nikech aherou ahinya.

Jona 3:10

Nyasaye noneno gima ne gitimo, mokaka ne giweyo yoregi maricho. Omiyo nolokore, mi ok okelo masira kuomgi kaka nosesiemogi.

Kwan 10:9

“Ka ukedo gi wasigu momonjou e pinyu, kendo dwaro loyou, to unugo tunge moriwore gi sigiya, mi Ruoth Nyasaye ma Nyasachu noparu, kendo noresu kuomgi.

Rapar mar Chik 32:36

“Adier, ka Ruoth Nyasaye oneno ni joge ool, kendo ni onge kata ng’at achiel modong’ makonyogi, to obiro ng’adonigi bura maber, kendo obiro kechogi.

Joshua 1:5

Onge ng’at ma nosiri nyaka chieng’. Anabed kodi kaka nabet gi Musa. Ok naweyi kata jwang’i ok najwang’i.

Jong’ad Bura 10:16

Kuom mano ne giwito nyisechegi manono, mi gilamo Ruoth Nyasaye. Eka Ruoth Nyasaye nokechogi kuom thagruokgi.

Jong’ad Bura 11:32

Kamano Jeftha nong’ado aora mondo odhi oked gi jo-Amon, mi Ruoth Nyasaye nochiwogi e lwete.

Jong’ad Bura 2:19

To pile kane jatelo ma kamano osetho, ne gidok e timbe maricho moloyo mane kweregi timo, kendo ne giluwo nyiseche mamoko, ka gitiyonigi kendo gilamogi. Ne ok giweyo timbegi maricho, kata yoregi mag wich teko.

Jong’ad Bura 3:9

To kane jo-Israel oywak ni Ruoth Nyasaye mondo okonygi, nomiyo ng’ato moresogi. Ne en Othniel wuod Kenaz ma owadgi Kaleb matin.

Jong’ad Bura 6:12

Malaika mar Ruoth Nyasaye nofwenyorene mowachone niya, “In ng’at ma thwon kendo Ruoth Nyasaye ni kodi.”

Jong’ad Bura 6:16

Ruoth Nyasaye nowachone niya, “Anabed kodi mi initiek jo-Midian. Inilogi mana ka gima en ng’at achiel.”