Jong’ad Bura 2:16 - MUMA MALER 2015

¹⁶ To Ruoth Nyasaye noketonigi jotelo moresogi e lwet joyekogo.

Motingʼo Loko Manyien

¹⁶ Eka Jehova Nyasaye nowalo jongʼad bura, mane okonyogi e lwet joma sandogi.

Jong’ad Bura 2:16 ပူးပေါင်းရင်းမြစ်များ

2 Samuel 7:11

chakre ndalo mane aketoe jobura mondo oritgi, to anamiyi kue e kindi gi wasiki duto. To bende awacho ni anaguedh dhoodi mondo osiki.

Nehemia 9:27

omiyo nichiwogi e lwet wasikgi mothagogi. To kane giywakni mondo ikonygi e thagruokgino, niwinjogi gie polo, mi nioronigi joma noresogi e lwet wasikgigo, nikech ng’wononi maduong’.

Tich Joote 13:20

Bang’ higni ma dirom mia ang’wen gi piero abich, nomiyogi jong’ad bura moritogi nyaka ndalo janabi Samuel.

Jong’ad Bura 10:1

Bang’ Abimelek, Tola wuod Pua ma nyakwar Dodo nowuok mondo ores jo-Israel. Ne en ja-Isakar, ma nodak Shamir e piny gode mag Efraim.

Jong’ad Bura 11:32

Kamano Jeftha nong’ado aora mondo odhi oked gi jo-Amon, mi Ruoth Nyasaye nochiwogi e lwete.

Jong’ad Bura 3:15

To kane jo-Israel oywak ni Ruoth Nyasaye mondo okonygi, Ruoth Nyasaye nomiyogi ng’ato moresogi. Ne en Ehud wuod Gera ja-Benjamin, mane ng’at ma racham. Chieng’ moro jo-Israel noore mondo odhi ochul osuchgi ni Eglon ruodh Moab.

Jong’ad Bura 3:31

Jatelo mane owuok bang’ Ehud ne en Shamgar wuod Anath. Nonego jo-Filistia mia achiel mana gi bidhi. En bende noreso jo-Israel.

Jong’ad Bura 4:5

Nothoro bet e tiend yadh othidhe man e kind Rama gi Bethel e piny gode mag Efraim. Yadhno niluongo ni yadh Debora. Jo-Israel ne dhi ire mondo ong’adnigi bura kanyo.

Jong’ad Bura 6:14

Eka Ruoth Nyasaye nochike ni “Dhiyo mondo ires jo-Israel e lwet jo-Midian gi teko ma in-go. An ema aori.”

Ruth 1:1

E ndalo mane jobura rito piny Israel kech nowuok, mi ng’at moro ma ja-Bethlehem-Juda nodhi gi chiege kod yawuote ariyo mondo odag e piny Moab.

1 Samuel 12:11

Omiyo Ruoth Nyasaye nooro Jerubaal, Barak gi Jeftha, kod Samson, kendo noresou e lwet wasiku koni gi koni, mi nubedo gi kue.

1 Samuel 14:48

Notimo chir, mi noloyo jo-Amalek bende, kendo noreso jo-Israel e lwet joma ne monjogi.