Jong’ad Bura 2:15 - MUMA MALER 2015

¹⁵ Kinde duto mane gidhi kedo, Ruoth Nyasaye ne kelonigi chandruok, mana kaka nosiemogi kokuong’orenigi. Kamano ne gichandore malit.

Motingʼo Loko Manyien

¹⁵ Kinde duto mane jo-Israel odhi kedo, lwet Jehova Nyasaye ne kelonegi chandruok, mana kaka ne osekwongʼorenigi, kendo ne gin e chandruok maduongʼ.

Jong’ad Bura 2:15 ပူးပေါင်းရင်းမြစ်များ

2 Weche mag Ndalo 12:1

Kane loch Rehoboam osegurore motegno, en, kaachiel gi jo-Israel duto, ne giweyo chik Ruoth Nyasaye.

Jeremia 18:8

to bang’e ogandano olokore moweyo timbene maricho, to an bende koro aloko parona kuom gima rach mane awacho ni abiro timo.

Jeremia 21:10

Aseng’ado wach ni ok anyal weyo dalani, to nyaka akethe. Ibiro kete e lwet ruodh Babulon, kendo obiro wang’e morum pep. An Ruoth Nyasaye ema awacho kamano!”

Jeremia 44:11

“Kuom mano, an Ruoth Nyasaye Manyalo Gik Moko Duto, kendo ma Nyasach Israel abiro kelo masira kuomu, mi atiek jo-Juda pep.

Jeremia 44:27

Abiro neno ni ok gidhi nyime maber, to anang’igi gi wang’ marach. Un jo-Juda duto modak e piny Misri, lweny kata tuoche biro negou nyaka urum pep, maonge kata ng’at achiel modong’.

Mika 2:3

Omiyo Ruoth Nyasaye wacho niya, “Achano kelo masira kuomu, kendo enochal lodi e ng’utu ma ok unyal gonyo. Ok unuchak uwuothi ka uchung’ tir, nikech kindeno nobednu kinde marach.

2 Jo-Korintho 4:8

Pile idiyowa koni gi koni, to kata kamano ok dinnwa. Wadhier nono, to chunywa ok a.

Rapar mar Chik 18:20

To janabi ma nohedhre wacho wach moro e nyinga ma ok achike ni mondo owachi, kata ma nowuo e nying nyiseche mamoko, nyaka negi.’

Jong’ad Bura 10:9

Bang’e jo-Amon nong’ado aora Jordan, mondo omonj jo-Juda gi jo-Benjamin kod jo-Efarim, mi jo-Israel nobedo e thagruok malit.

Ruth 1:13

bende da uyie rito nyaka gidok madongo? Duritru mak okendu? Ooyo nyiga, an ema anie chandruok moloyo un, nimar Ruoth Nyasaye osekuma.”

1 Samuel 12:15

To ka utamoru winjo dwond Ruoth Nyasaye, kendo udagi chikene, to nosandu kaachiel gi ruodhu.

1 Samuel 13:6

To kane jo-Israel oneno ka wach otamo wang’gi, nikech nothung’gi ahinya, ne gipondo kamoro amora mane ginyalo tonyie, kaka buche gi bunge gi bugni kod sokni, kendo e kind lwendni.

1 Samuel 14:24

Jo-Israel nool ahinya chieng’no nikech Saulo nosekwerogi niya, “Okuong’ jalo mochamo gimoro kapok piny oyuso, kendo kapok atieko chulo kuor kuom wasikwa.” Kamano ne onge ng’ato kuomgi mane obilo gimoro.

1 Samuel 30:6

Daudi nodhier nono, nikech joge ne wacho ni mondo ogoye gi kite, nimar chunygi ne lit ahinya, ka ng’ato ka ng’ato paro yawuote gi nyige. To kata kamano Daudi noyudo teko kuom Ruoth Nyasaye.