Jong’ad Bura 2:14 - MUMA MALER 2015

¹⁴ Omiyo Ruoth Nyasaye nokecho kodgi, mi nochiwogi e lwet mony moyakogi. To bende noketogi e lwet wasikgi duto mane olworogi, mi koro ne ok ginyal sirogi kata matin.

Motingʼo Loko Manyien

¹⁴ Jehova Nyasaye nobedo gi mirima gi jo-Israel mochiwogi e lwet wasikgi mondo omonjgi. Ne ochiwogi e lwet wasikgi kuonde duto mane ok ginyal tony.

Jong’ad Bura 2:14 ပူးပေါင်းရင်းမြစ်များ

2 Samuel 24:1

Mirima nochako omako Ruoth Nyasaye kod jo-Israel, mi nomiyo Daudi otimo gimoro ma dihinygi, kowachone niya, “Dhiyo ikwan jo-Israel gi jo-Juda.”

2 Samuel 7:11

chakre ndalo mane aketoe jobura mondo oritgi, to anamiyi kue e kindi gi wasiki duto. To bende awacho ni anaguedh dhoodi mondo osiki.

2 Ruodhi 13:3

Ruoth Nyasaye nokecho gi jo-Israel, mi nothoro ketogi e lwet Hazael ruodh Aram, kendo e lwet Ben-hadad ma wuode.

2 Ruodhi 17:20

Omiyo Ruoth Nyasaye nodagi nyikwa Israel duto. Nothagogi moketogi e lwet wasigu mane peyogi to achien nogologi e pinygi.

2 Weche mag Ndalo 15:5

E ndalogo, kue nobed maonge ni ng’ato e yorene duto, nimar chandruok maduong’ nobi kuom ji duto modak e pinyni.

2 Weche mag Ndalo 28:5

Emomiyo Ruoth Nyasaye ma Nyasache ne ochiwe e lwet ruodh Aram, mi oloye, kendo omako joge mang’eny, motero Damaski. Bang’e Ruoth Nyasaye nochiwe e lwet ruodh Israel ma bende noloye, monego joge oyokre.

2 Weche mag Ndalo 36:16

To ne gimedo charo joote Nyasaye, ka gichayo wachne, kendo ginyiero jonabi mage, nyaka Ruoth Nyasaye nokecho kodgi, ma koro ne ok ginyal konyo.

Nehemia 9:27

omiyo nichiwogi e lwet wasikgi mothagogi. To kane giywakni mondo ikonygi e thagruokgino, niwinjogi gie polo, mi nioronigi joma noresogi e lwet wasikgigo, nikech ng’wononi maduong’.

Zaburi 44:11

Ne ijwang’owa, mi oyang’wa ka rombe, kendo ikeyowa e pinje moko nono.

Zaburi 44:12

Ne iuso jogi iwuon kuom nengo matin, maonge ohala!

Isaya 42:24

En ng’a, mane ochiwo jo-Israel ma nyikwa Jakobo e lwet joyeko? Donge en Ruoth Nyasaye? Ne giketho e nyime, mi gitamore luwo yorene, kendo gidagi rito chikne.

Isaya 50:1

Ruoth Nyasaye wacho niya, “Un jo-Israel ma nyithinda, en adier ni ne ariembou nikech timbeu maricho, to bende nitie gima nyiso ni nariembou chuth, kaka ng’ato riembo chiege? Koso ng’ato nitie mane achiwoune? Ooyo, ne ang’iewou mana nikech timbeu mamono.

Jeremia 37:10

To kata kapo ni uloyo jolweny duto mag Babulon ma monjougo, mi odong’ mana joma ohinyore ma nindo aninda, e hembegi, to joma ohinyorego pod dia malo, mi wang’ Jerusalem pep.”

Tim jo-Lawi 26:17

Anabed mosin kodu, mi wasiku nonegu. Unubed e bwo loch joma mon kodu, kendo unubwogru gi ng’wech kata ka onge joma lawou.

Tim jo-Lawi 26:28

to an bende nasik kapiem kodu gi mirimba mager, mi nakumu nyadibiriyo nikech richou.

Tim jo-Lawi 26:37

kendo ginituomre kendgi giwegi mana ka joma ichadho gi ligangla. Unubed maonge gi teko mar siro wasiku.

Kwan 32:13

Ruoth Nyasaye nokecho gi jo-Israel mi ne omiyo gidigni e thim kuom higni piero ang’wen-gi, nyaka tieng’ mane oketho e nyimeno otho duto.

Kwan 32:14

Koro kendo uluwo mana timbe wuoneu! Un joma timbegi richo, ma pod biro mana medo mirimb Ruoth Nyasaye kuom jo-Israel,

Rapar mar Chik 28:20

Ruoth Nyasaye noornu kuong’ gi chandruok kod kum maketho gik moko duto mutimo, nyaka otieku mi urum ka diemo wang’ kuom timbeu maricho, kendo nikech useweye.

Rapar mar Chik 28:25

Ruoth Nyasaye noketu e lwet wasiku, mi ginilou. Unurad kodgi ka un oganda achiel, to unuringi kuke e sidienje abiriyo, mi unubed joma pinje duto wuoro.

Rapar mar Chik 28:58

“Ka ok urito chike duto mondiki e kitabuni, kendo ok luoro nying Ruoth Nyasaye ma Nyasachu, ma en nying maduong’ kendo malich,

Rapar mar Chik 32:30

Ere kaka ng’at achiel dilaw ji gana achiel, kata ji ariyo riemb ji gana apar, mak mana ka ok Ruoth Nyasaye ma Lwandagi ema oweyogi, moketogi e lwet wasikgi?

Joshua 23:16

To ka ok urito singruok ma nomiyou, mi ulamo nyiseche mamoko, to enokech kodu, mi karu nolal nono piyopiyo e piny maber mosemiyouni.”

Jong’ad Bura 1:19

Ruoth Nyasaye nokonyo jo-Juda, omiyo ne gikawo piny gode, to ne ok ginyal riembo joma nodak e piny pewe, nikech ne gin gi geche lweny mag nyinyo.

Jong’ad Bura 1:34

To jo-Amor nodhiro jo-Dan chien e piny gode, kendo notamogi lor e piny pewe.

Jong’ad Bura 10:7

Omiyo Ruoth Nyasaye nokecho kodgi, mochiwogi e lwet jo-Filistia gi jo-Amon.

Jong’ad Bura 2:20

Kuom mano, Ruoth Nyasaye nokecho gi jo-Israel, mowacho niya, “Ogandani oseketho singruok mane atimo ni kweregi, kendo ok gisemako chikna.

Jong’ad Bura 3:12

Timbe jo-Israel nochako obedo maricho kendo e nyim Ruoth Nyasaye, omiyo Ruoth Nyasaye nothuwo Eglon ruodh Moab mondo oked kodgi.

Jong’ad Bura 4:2

omiyo nochiwogi e lwet Jabin ruodh jo-Kanaan ma nodak Hazor. Jaduong’ jolweny Jabin ne nyinge Sisera. Nodak Harosheth-hahagoim,