Jong’ad Bura 2:10 - MUMA MALER 2015

¹⁰ Tieng’no duto notho, moluwo kweregi, kendo tieng’ machielo mane ok ong’eyo Ruoth Nyasaye, kata gik mane osetimo ni jo-Israel, noluwo bang’gi.

Motingʼo Loko Manyien

¹⁰ Bangʼ ka tiengʼno duto noseyweyo kod kweregi, tiengʼ machielo nochako dongo, mane ok ongʼeyo Jehova Nyasaye kata gima nosetimone jo-Israel.

Jong’ad Bura 2:10 ပူးပေါင်းရင်းမြစ်များ

Chakruok 15:15

To in, nidag aming’a, kendo nitho gi kue, kiluwo kwereni.

Chakruok 25:17

Ishmael notho moluwo kwerene ka ne en jahigni mia achiel gi piero adek gabiriyo.

Chakruok 25:8

mi notho moluwo kwerene, koseti ahinya, kendo ka hike oniang’.

Chakruok 49:33

Kane Jakobo osetieko chiko nyithinde kamano, nodwoko tiende e kitanda mi chunye nochot koluwo kwerene.

2 Samuel 7:12

Kisetho, minindo e liel gi kwereni, to anaket achiel kuom yawuoti kari, kendo anagur lochne obed motegno.

1 Weche mag Ndalo 28:9

“To in Solomon wuoda, par Nyasach wuoru, kendo ichiwri mondo itine gi chunyi duto, nimar Ruoth Nyasaye ng’iyo chuny ji duto, kendo ofwenyo paro mag dhano. Kidware, to iniyude, to kiweye, to enojwang’i nyaka chieng’.

Ayub 21:14

Joricho okwero Nyasaye niya, ‘Wewa! Ok wadwar ng’eyo yoreni.

Wuok 1:6

Bang’e achien, Josef gi owetene kod tieng’no duto notho.

Wuok 1:8

Koro ruoth manyien mane ok ong’eyo wach Josef nochako tich e Misri.

Wuok 5:2

To Farao nodwokogi niya, “Ruoth Nyasaye to en ng’a, ma dawinj wachne, mi awe jo-Israel dhi? Akia Ruoth Nyasaye, bende ok nawe jo-Israel odhi!”

Isaya 5:12

Utimo sewni gi kong’o mogundho kod thumbe mopogore opogore to ok udew gik ma Ruoth Nyasaye osetimo, bende ok unegi.

Jeremia 22:16

Ne oyalo jochan kare, omiyo gige duto nodhi maber. Gik ma kamago ema nyiso ni ng’ato ong’eyo Ruoth Nyasaye.

Jeremia 31:34

Onge ng’ama nopuonj wadgi kata ma nopuonj omin mare, kawachone ni, ‘Ng’e Ruoth Nyasaye,’ nikechh giduto gining’eya, chakre ng’at matinie moloyo nyaka ng’at maduong’ie moloyo. Anawenigi richogi, kendo ok nachak apar timbe maricho mane gisetimo. An Ruoth Nyasaye ema awacho kamano.”

Jeremia 9:2

Mad abed ki kiru mar bworo e thim, kuma anyalo betie mabor gi joga, nimar giduto gin joma terore, kendo oganda ma andhoga.

Jeremia 9:3

Lewni chalo gi atung’ moywa, kendo diro miriambo mana kaka atung’ diro asere, bende timbe miganga ema opong’o piny.” Ruoth Nyasaye owacho niya, “Joga timo richo kinde duto, kendo ok gidewa.

Jeremia 9:5

Giduto giwuondo osiepegi, kendo onge ng’ama wacho adiera. Gisepuonjo lewgi wacho miriambo, kendo gisedonjo matut e richo ma ok ginyal wuokie.

Kwan 27:13

Ka isenene, to ibiro tho miluw kwereni, mana kaka Harun owadu notho,

Luka 20:32

Bang’e dhakono bende notho.

Tich Joote 13:36

“To kane Daudi osetimo gik mane Nyasaye dwaro mondo otim e ndalone, notho, moyike but kwerene, kendo ne otop.

Rapar mar Chik 31:16

Ruoth Nyasaye nowacho ni Musa niya, “Ka isetho, moyiki, to jogi biro weya mi luw nyiseche mag jomoko ma gidhi yudo ka gidonjo e pinyno, mana kaka dhako weyo chwore, to dwanyore gi chwo mamoko. Giniweya, kendo giniketh singruok ma asetimo kodgi.

2 Jo-Thesalonika 1:8

e mach maliel mondo ochul kuor ni joma ok oyie Nyasaye, kendo ni joma odagi winjo Wach Maber man kuom Ruodhwa Yesu.

Tito 1:16

Giwacho ni ging’eyo Nyasaye, to timbegi nyiso ni gidage. Gin joma timbegi mono, kendo ma ok winj wach, kendo ma ok nyal timo gimoro maber.

Joshua 24:31

Jo-Israel notiyo ni Ruoth Nyasaye e ndalo duto mag Joshua, kod e ndalo jodongo mane odong’ bang’e, kendo mane ong’eyo gik mane Ruoth Nyasaye otimo ni Israel.

1 Samuel 2:12

To yawuot Eli ne joma acheje, ma ok dew Ruoth Nyasaye.