Jong’ad Bura 19:6 - MUMA MALER 2015

⁶ Omiyo ji ariyogo nobet piny, mochiemo kendo ometho. Eka wuon nyako nowacho ni ore niya, “Yie mondo iri, imed nenowa.”

Motingʼo Loko Manyien

⁶ Omiyo ji ariyogo nobedo piny mochiemo kendo ometho. Bangʼe jaduongʼne nowachone niya, “Yie iri kawuono mondo iyud mor.”

Jong’ad Bura 19:6 ပူးပေါင်းရင်းမြစ်များ

2 Samuel 13:28

Absalom noloso chiemo mathoth, to noyudo osewacho ni jotichne niya, “Ka Amnon osemer, mi awachonu ni, ‘Negeuru,’ to unege. Kik uluor, nikech an awuon ema achikou. Beduru gi chir, kuikoru.”

1 Ruodhi 21:7

Jezebel chiege nowachone ni, “Donge inie ruodh Israel? A malo, ichiem kendo ibed mamor. Abiro miyi puoth mzabibu mar Naboth ja-Jezreel.”

Zaburi 104:15

eka oyud divai ma miye mor, kod mor zeituni mamiyo obedo mail, kaachiel gi kuon mamiyo obedo motegno.

Luka 12:19

Bang’e anawach e chunya ni, ‘An jahawi, nikech asekano gik mathoth, moroma kuom higni mang’eny! Koro anyalo yueyo ka achiemo kendo ametho, ka amor.’

1 Jo-Thesalonika 5:3

ji nobed kawacho ni kue nitie, kendo weche ni kare, to ka diemo wang’ nono masira nopogi, mana kaka muoch poyo dhako man gi ich, kendo ok ginitony kata matin.

Fweny 11:10

Ji duto modak e piny nogo siboi kuom thogi, kendo ginimire chiwo, nikech jonabi ariyogo nosebedo kasando joma odak e piny.

Fweny 11:13

Gikanyono, piny noyiengni matek, mi bath dalano moromo achiel kuom apar nomukore, kendo ji alufu abiriyo notho. To joma odong’ nobwok malich, kendo nomiyo Nyasaye duong’!

Jong’ad Bura 16:25

Kane gisemetho, mi giromo, ne giwacho niya, “Kelnwauru Samson, mondo obi otugnwa.” Omiyo ne gigole e od tuech, motugonigi. Bang’e ne gimiyo ochung’ e kind sirni mag ot.

Jong’ad Bura 19:7

To ja-Lawi nochung’ mondo ochak wuoth. Kata kamano, jaduong’ne nomedo kwaye mondo ori, omiyo noyie, monindo kanyo kendo.

Jong’ad Bura 19:9

Bang’e ng’atno nochung’ mondo oa gi chiege kod jatichne, to jaduong’ne nochako owacho niya, “Ok ine ka sa koro ng’eny, kendo piny dwaro yuso? Omiyo ri, mondo inewa kendo, to kiny inyalo chiew gokinyi, mondo idog thuru.”

Jong’ad Bura 9:27

Ne gidhi e puothegi, mi gipono mzabibu, kendo gikelo kuonde mag bicho, mondo gilosgo divai. Bang’’e ne gitimo sawo e hekalu mar nyasachgi, kuma ne gichiemoe kendo gimethoe, mi giyanyoe Abimelek.

Ruth 3:7

Kane Boaz osechiemo kendo ometho morome, nodhi monindo but pidh cham. Eka Ruth nolidho, moelo gir um gi yo ka tiende, kendo onindo kanyo.

1 Samuel 25:36

Kane Abigail odok dala, noyudo ka Nabal timo sawo maduong’, mana ka sap ruoth. Nabal ne mor, nikech nomer ahinya, omiyo Abigail ne ok onyise gimoro kata matin, nyaka piny oru.