Jong’ad Bura 19:30 - MUMA MALER 2015

³⁰ Nowacho ni joma nooro ni mondo openj jo-Israel duto kama: “Bende gima kama osetimoree kata oseneye chakre ndalo mane jo-Israel owuokie Misri nyaka chil kawuono? Paruru wachni, kendo uchiw parou.” Kamano ng’ato ka ng’ato ma nonenogi nowacho niya, “Gima chal kama pok otimore kata pok one nyaka nene!”

Motingʼo Loko Manyien

³⁰ Ngʼato angʼata mane oneno ma nowacho niya, “Gima chalo kama ne pok one kata timore, chakre ndalo mane jo-Israel oa Misri nyaka chil kawuono. Paruruane wachni kendo noneuru mondo unyiswa ane gima onego watim!”

Jong’ad Bura 19:30 ပူးပေါင်းရင်းမြစ်များ

Ngeche 11:14

Ka onge ng’at matelo ni ji gi rieko maber, to oganda dok mana chieng’. To ka nitie jong’ad rieko mathoth, to piny dhi nyime maber.

Ngeche 13:10

Sunga ok kel gimoro, to okelo mana miero, omiyo ber mondo ng’ato odwar rieko kuom ji.

Ngeche 15:22

Ka onge jong’ad rieko, to ji ok tim gik ma gichano, to ka jong’ad rieko ng’eny, to gik ma gichano dhi maber.

Ngeche 20:18

Kiyie mondo ji ong’adni rieko to in idhi nyime maber, omiyo kik ibuk lweny ka pok iikori maber.

Ngeche 24:6

Joma chano gik moko malong’o ema kedo lweny maber, omiyo, kidwaro loyo lweny, to nyaka ibed gi jong’ad rieko mathoth.

Hosea 9:9

Usedonjo matut e richo mana kaka notimore Gibea. Nyasaye nopar richou, mi nokumu.

Jong’ad Bura 20:7

Koro en wachu, un jo-Israel, mondo upar ane gima onego utim.”