Jong’ad Bura 19:3 - MUMA MALER 2015

³ chwore noluwo bang’e mondo odwoke dala. Nokawo jatichne gi kenjene ariyo, modhigo. Kane ochopo, chiegeno nomose, mokele e od wuon mare, mi wuon mare norwake gi mor.

Motingʼo Loko Manyien

³ chwore nodhi ire mondo olombe gi wach oduogi. Ne en-gi jatichne kod punde ariyo. Notere nyaka e od wuon mare, kendo ka wuon mare nonene, norwake gi mor.

Jong’ad Bura 19:3 ပူးပေါင်းရင်းမြစ်များ

Chakruok 34:3

To nohero Dina ahinya, omiyo notemo hoyo chunye,

Chakruok 50:21

Omiyo kik uluor. Abiro ritou uduto kod jouteu.” Kamano e kaka nokueyo chunygi gi weche mamit.

Jeremia 3:1

Ruoth Nyasaye owacho niya, “Ka ng’ato oriembo chiege, mi chiegeno odhi, kendo bang’e ng’at machielo okende, to chwore mokwongo ok nyal kawe kendo, nikech dhakono koro ogak. To un jo-Israel useweya, mulamo nyiseche mang’eny, kudwanyoru mana ka dhako madwanyore gi chwo mang’eny, to koro udwaro duogo ira!

Hosea 2:14

“To koro winjuru! Abiro kawe, mi atere e thim, kendo abiro wuoyo kode maber kuno, mi aduog chunye.

Hosea 2:16

Adier, chieng’no noluonga ni chwore, to ok nochak oluonga ni Baal mare.

Tim jo-Lawi 19:17

Kik imak sadha gi wadu, to nyaka inyise kethone wang’ gi wang’; mano eka ok dibed jaketho.

Tim jo-Lawi 20:10

Ka ng’at oterore gi chi wadgi, to ng’atno kaachiel gi dhakono nyaka negi.

Kwan 22:22

To kata kamano Ruoth Nyasaye nokecho nikech Balaam ne dhi, omiyo kane Balaam biro koidho kanje, ka en gi jotichne ariyo, malaika mar Ruoth Nyasaye nobiro mochung’ e nyime mondo ogeng’ne kik okadhi.

Mathayo 1:19

To Josef mane kende, ne ng’at ma kare, kendo kaka ne ok odwar kuodo wiye, nochano mondo oketh keny ling’ling’.

Johana 8:11

Dhakono nodwoke ni, “Ooyo, Jaduong’ onge ng’ato modong’.” Eka Yesu nokone ni, “Kata an bende ok ang’adni bura. Dhiyo, to kik ichak itim richo kendo.”]

Jo-Galatia 6:1

Owetena, kata ka oyud ng’ato rando katimo gimoro marach, to un ma uwuotho kuom Roho nyaka utem mondo urieye gi chuny mamuol, kuritoru mondo un bende kik udonj e tem ma kamano.

Jong’ad Bura 15:1

Bang’ kinde moko e ndalo kayo ngano, Samson nokawo nyadiel modhigo limo nyako mane oyudo okendo cha. Nokwayo jaduong’ne niya, “Adwaro dhi neno chiega e ot ma entie.” To jaduongg’ne nodagi ni ok onyal donjo e odno,

Jong’ad Bura 19:2

To nyakono nodhaw kode, moweye, kendo odok dalagi Bethlehem. Kane osebet kuno kuom kinde ma dirom dueche ang’wen,

Jong’ad Bura 19:26

Dhakono nodwogo ka piny yawore, mopodho e dhood ng’at cha, kama chwore ne nitie, kendo noriere kanyo nyaka piny oru.

Jong’ad Bura 19:4

Jaduong’neno nogeng’e, mi noriyo kuno kuom ndalo adek, korite maber.